/

Халқ депутатлари Денов туман Кенгаши депутати Ислом Худойбердиев “Дўстлик” маҳалласида яшовчи 2700 дан зиёдроқ фуқарони бир неча йиллардан буён қийнаб келаётган муаммолардан бири — тоза ичимлик суви масаласини ҳал этишга амалий ёрдам кўрсатди.
Электорат ишончини оқлашга астойдил интилаётган И.Худойбердиев ташаббуси билан маҳаллада артизиан қудуғи қазилиб, сув минораси барпо этилди. Маҳалла аҳли 365 хонадонда ҳаёт манбаи бўлган тоза ичимлик суви таъминоти яхшиланганидан мамнун эканини айтишди.
Таъкидлаш жоизки, тадбиркор сифатида туманимиз тараққиётига улуш қўшиб келаётган партиямиз фаоли, “Чағониён-Наслчилик-Денов” хусусий корхонаси раҳбари Ислом Худойбердиевнинг ибратли ишлари кўпчиликнинг эътирофига сазовор бўлмоқда. Партия депутати И.Худойбердиевнинг ташаббускорлигида Денов туман марказида жойлашган Алишер Навоий номидаги маданият ва истироҳат боғида “Нуронийлар чойхонаси” бунёд этилганлиги ва бошқа қурилиш ишлари амалга оширилганлиги аҳолига қулайликлар яратиш билан бирга партиямизнинг ҳудуддаги нуфузини оширишда ҳам ижобий ўрин тутмоқда.
Чори ЖЎРАЕВ,
Ўзбекистон “Адолат” СДП Денов туман кенгаши раиси