Фаровон келажагимиз асоси

/
Андижон туманида Ўзбекистон “Адолат” СДП Андижон вилоят кенгаши ташаббуси билан “Фаровон келажагимиз асоси” мавзусида ташкил этилган акция доирасида “Ёшлар ва қонун” мавзусида давра суҳбати ўтказилди. Унда ёшларнинг сиёсий ва ҳуқуқий маданиятини юксалтириш, Конституциямизнинг мазмун-моҳиятини тарғиб этиш ва мамлакатимизда амалга оширилаётган ислоҳотлар хусусида сўз юритилди.
Асосий қонунимизнинг ўзига хос хусусиятлари, бу муҳим ҳужжатнинг миллий ва умуминсоний қадриятлардан келиб чиқиб яратилгани, унинг асосида ишлаб чиқилган қонун ҳужжатлари юзасидан тушунчалар берилди. Жумладан, ёшлар сиёсатига қаратилган қонунлар ижросини таъминлаш йўлида республикамизда амалга оширилаётган ишлар, келажагимиз эгаларига бўлган эътибор ва ғамхўрликларнинг пойдевори бўлаётгани алоҳида эътироф этилди.
— Тарғиботчи сафдошларимизнинг тенгдошлари орасида “Ўз ҳуқуқингизни биласизми?” шиори остида ўтказаётган анкета сўровномаларида ёшларнинг фаоллиги ўсиши билан бирга қонунчилигимизга бўлган қизиқишлари ҳам яққол кузатилмоқда, — деди вилоят партия кенгашининг “Ёш адолатчилар” қаноти етакчиси Зиёда Қосимова.
Келажагимиз эгаларининг ҳуқуқий маданиятини юксалтиришга қаратилган тадбир якунида ҳуқуқшунослар томонидан иштирокчиларни қизиқтирган саволларга жавоб берилди.
Акбаржон НАЗАРОВ,
“Adolat” мухбири

Бошка Маълумотлар

01 янв 1970
Ҳаётда ўйламай босилган қадам фақат ташвиш келтириши, оқибати ҳамиша аянчли якун топиши бор гап. Аммо буни ҳамма ҳам тушунавермас экан....
01 янв 1970
Конституциямиз қабул қилинганининг 25 йиллиги муносабати билан жойларда маънавий-маърифий тадбирлар бўлиб ўтмоқда. ...
01 янв 1970
Деҳқон — ер султони, дейди доно халқимиз. Чиндан ҳам, ер билан тиллашган, унга меҳр берган киши борки, ўз олдига қўйган мақсадига эришади....
01 янв 1970
]Ички ишлар идораларини ислоҳ қилиш, замонавий технологиялар ҳамда малакали кадрлар билан таъминлаш борасидаги саъй-ҳаракатлар изчил давом эттирили...