Инновацион фикрлаш

/
Вобкент туманида фаолият юритаётган бошланғич партия ташкилотлари Ўзбекистон “Адолат” СДПнинг дастурий вазифаларини туман ҳаётига татбиқ этишда муайян ишлар қилишмоқда.
“Дўстлик” маҳалласи ҳудудида 50 нафарга яқин сафдошимизни ўзида бирлаштирган БПТ жамоаси шу мақсадда ташаббускорлик руҳида ишлашга интилмоқда. Ушбу бошланғич партия ташкилотида тумандаги 1, 8, 9-мактабгача таълим муассасаларининг кўплаб тарбиячилари ҳам фаоллик кўрсатмоқда.
— Партиямизнинг таълим соҳаси билан боғлиқ вазифаларини амалда қўллаш ижобий натижалар беришини таъкидлаш жоиз, — дейди туман мактабгача таълим бўлими мудири, БПТ раиси Шаҳноза Ҳалимова. — Хусусан, таълим бериш жараёнида инновацион жараёнлардан фойдаланиш, ахборот-коммуникация технологияларини кенг жорий этиш, таълим даргоҳида экологик барқарорликни таъминлаш, тозаликка риоя этиш масалаларига ҳам алоҳида эътибор қаратаяпмиз.
Яқинда партия Сиёсий Кенгаши раиси ўринбосари Абдукамол Раҳмонов ва фаоллар мазкур БПТ томонидан партиямизнинг “Тозалик йўлида бирлашайлик”, “Мактабгача таълим – кадрлар тайёрлашнинг бирламчи бўғини” каби лойиҳалари доирасида амалга оширилган ишлар билан танишди. Шунингдек, партия фаоллари 1, 8, 9-сонли МТМларда бўлиб, тарбиячиларнинг инновацион технология ва ишланмалардан фойдаланган ҳолда болажонларнинг интеллектуал қобилиятларини ўстириш, илк маънавий кўникмаларни шакллантиришга доир амалий ишлари билан танишдилар. А.Раҳмонов болаларнинг қизиқишини янада ошириш, мустақил фикрлайдиган, янгиликка интилувчан қилиб тарбиялашга алоҳида эътибор қаратиш ҳақида мутахассислар билан фикрлашди.
Моҳигул АБДУЛЛАЕВА,
Бухоро вилояти кенгаши матбуот котиби

Бошка Маълумотлар

01 янв 1970
Мамлакатимизда фуқароларнинг саломатлигини муҳофаза қилиш ҳақида ғамхўрлик кўрсатиш давлат сиёсатининг устувор йўналишларидан бири ҳисобланади.&nbs...
01 янв 1970
Партиямиз ғояларининг жойларда кенг тарғиб этилиши билан бирга халқ манфаатларини рўёбга чиқариш борасидаги амалий ишлар ҳудудларда ўз ижобий самар...
01 янв 1970
Бугун қишлоқдаги аграр ислоҳотларнинг мазмун-моҳияти инновацион ғоя ва янги технологияларни жорий этишга қаратилганлиги билан қимматлидир...
01 янв 1970
Бухоро вилоятида партиямизнинг етакчи ва фаоллари жойларда электорат манфаатини самарали ҳимоя қилишга қаратилган ҳаётий таклифларни илгари суриш, ...