САМАРҚАНД ВИЛОЯТИ ХОТИН-ҚИЗЛАР ҚЎМИТАСИГА ЯНГИ РАИС САЙЛАНДИ

/
Куни кеча Самарқанд вилоят хотин-қизлар қўмитасининг V ҳисобот-сайлов конференцияси бўлиб ўтди. Унда вилоят хотин-қизлар қўмитаси бошқаруви аъзолари, туман, шаҳар хотин-қизлар қўмиталари, бошқарма ва корхоналар бошланғич хотин-қизлар ташкилоти раислари, фаол жамоатчилар қатнашди.
Ўзбекистон Республикаси Бош вазири ўринбосари, Хотин-қизлар қўмитаси раиси Т.Норбоева, Самарқанд вилояти ҳокими вазифасини бажарувчи Э.Турдимов иштирокида ўтказилган конференция ишида 2012-2018 йилларда вилоят хотин-қизлар қўмиталари томонидан амалга оширилган ишлар сарҳисоб қилинди.
Президентимизнинг «Хотин-қизларни қўллаб-қувватлаш ва оила институтини мустаҳкамлаш соҳасидаги фаолиятини тубдан такомиллаштириш чора-тадбирлари тўғрисида»ги фармони ижроси юзасидан нотинч оилаларга тизимли ёрдам йўлга қўйилгани, оғир турмуш шароитида яшаётган хотин-қизларнинг 259 нафари уй-жой билан таъминланганлиги, жиноят содир этаётган аёллар сони камайганлиги таъкидланди.
— Амалга оширилган ишларнинг натижаси бўлмиш ижобий кўрсаткичлар билан бир қаторда ҳали тизимда камчиликлар етарли, — деди Т.Норбоева. — Хотин-қизлар ўртасида жиноятчилик бор-йўғи 25 фоизга камайган, оилавий ажралишлар ҳам камайган бўлса-да, аммо жуда кичик фоизда. Фармон ижросига кўра, бугун хотин-қизлар қўмитаси тизимида катта имкониятлар яратилди, соҳада фаолият юритувчи мутахассислар сони кескин ортди. Бундай имконият билан оилалардаги муаммоларни ўз вақтида ўрганиш ва унинг олдини олиш мумкин.
Конференцияда ҳозирга қадар Ўзбекистон Республикаси Олий Мажлиси Сенати Фан, таълим, маданият ва спорт масалалари қўмитаси раиси ўринбосари вазифасида ишлаб келган Гавҳар Зойировна Алимова Самарқанд вилоят ҳокими ўринбосари, хотин-қизлар қўмитаси раиси вазифасига сайланди.
Ўз мухбиримиз

Бошка Маълумотлар

01 янв 1970
Мамлакатимизда соғлиқни сақлаш тизимида олиб борилаётган ислоҳотлар тиббиёт соҳасини замон талаблари даражасида ривожлантириш, аҳоли саломатлигини ...
01 янв 1970
Азал-азалдан бир-бирига яқин қўшни, қондош-қариндош ўзбек ва тожик халқининг бир-бирига меҳри ҳамиша осмон қадар баланд, улар гўёки кўз билан қош, ...
01 янв 1970
Жиянларим вояга етмаган. Уларнинг ота-онаси икки йиллик хизмат сафарига чет элга кетишган. ...
01 янв 1970
Партиялараро рақобат тобора кучаяётгани, фуқароларнинг ижтимоий-сиёсий фаоллиги, ислоҳотларга дахлдорлик ҳисси ортаётгани ҳам масъулият билан ишлаш...