Сайёр қабул: Ҳар бир мурожаат эътиборда

/
Ўзбекистон “Адолат” СДПнинг “Адолат — қонун устуворлигида” лойиҳаси доирасида фуқароларнинг ҳуқуқий маданиятини юксалтириш, мурожаатлар билан ишлаш ва ҳудудлардаги мавжуд муаммоларнинг ечимини топишга кўмаклашиш партиядошларимиз ва маҳаллий Кенгаш депутатлари фаолиятида алоҳида ўрин эгаллайди. Бу борада ўзини ўзи бошқариш органлари билан ҳамкорликда ташкил этилаётган тадбирлар жамоатчиликда партиямизга бўлган ишонч ортишига хизмат қилмоқда. Шаҳрихон туманидаги “Сегаза” маҳалла фуқаролар йиғинида ташкил этилган сайёр қабулда ҳам бу фикрлар ўз ифодасини топди.
Аҳолининг турмуш фаровонлигини ошириш бугун долзарб вазифалардан. Шу боис халқ вакиллари сайловчиларнинг бу борадаги саволларига қулоқ тутди. Ўндан ортиқ хонадон эгалари суюлтирилган газ баллони таъминоти муаммолигича қолаётганини баён этишди. Газ баллони учун фуқаролар Исмоилжон Холмуродов ва Абдуманноб Саидов навбат кутишдан бирор натижа чиқмаётганини айтишди. Бу масаладан шу жойнинг ўзида масъул идора хабардор қилиниб, мурожаат қилган фуқароларнинг хонадонларига газ баллонлари келтирилди. Ўз навбатида, бу борада жамоатчилик назорати ўрнатилди.
Сайёр қабул давомида ёшлар муаммоларига алоҳида эътибор қаратилди. Тадбиркорлик фаолиятини йўлга қўйиш истагидаги 7 нафар йигит-қиз билан суҳбатлашдик Уларга молиявий кўмак кўрсатиш масаласида тегишли банк муассасаларига чиқилди.
Мирпўлат Маннопов деҳқончилик борасида катта тажрибага эга. Шу сабаб томорқасида иссиқхона ташкил этиш орзусида эди. Мулоқот чоғида унинг таклифлари эшитилди, молиявий кўмак зарурлиги аниқланди. “Агробанк”нинг туман филиалига бу ҳақда маълум қилдик. Тез орада ушбу банк муассасаси томонидан ташаббускор фуқаро М.Манноповга 25 миллион сўм кредит ажратилиб, унинг орзуси ушалди.
Сегазалик яна бир тадбиркор Турсуной ўолиббекова чеварчиликни йўлга қўйиш истагида эканини билдирди. Бу масала ҳам ўз ечимини топди. Ҳозирда у 2 нафар тенгдоши билан кредит эвазига харид қилган тикув машиналарида бежирим кийимлар тайёрлаб, ички бозорда сотмоқда.
Бандлик масаласи долзарб аҳамиятга эга саналади. Негаки, бекорчилик иқтисодий муаммолар билан бирга жиноятга ҳам йўл очиши ҳеч гап эмас. Шуни назарда тутиб, уюшмаган ёшлар билан суҳбатларда аҳоли бандлигини таъминлашда қонун ҳужжатларида белгиланган меъёрлар, бу борада давлатимиз томонидан ёшларга эътибор қаратиб келинаётганлиги ҳақида тушунчалар берилмоқда. Ишга жойлашиш истагидаги 3 нафар ёшларнинг бандлиги таъминланди.
— Тикувчилик қўлимдан келса-да, ишсизлик муаммоси мени қийнаётганди, — дейди Барнохон Мўйдинова. — Депутатлар аралашуви билан қишлоғимиздаги “АЭСтекс” МЧЖга ишга жойлашдим. Бундан оиламиздагилар ҳам хурсанд.
Моҳира Нурматова ҳам Барнохон каби ана шу корхона ишчилари қаторидан ўрин олди.
— Биз бу каби тадбирларни ҳар бир маҳаллада ўтказишни режалаштирганмиз, — дейди халқ депутатлари Шаҳрихон тумани Кенгаши депутати А.Махмудов, — Албатта, фуқароларнинг ҳар бир мурожаати ўз ечимини топиши лозим. Чунки ҳар бир мурожаат ортида инсон тақдири бор. Шу билан бирга, эътибордан четда қолган муаммо вақт ўтиб, янги муаммони пайдо қилиши, чигаллик ортиши эҳтимолдан холи эмаслигини унутмаслик зарур.
Бу каби ҳолатларнинг олдини олиш партия депутатлари ва фаолларимизнинг ҳаётий вазифаси ҳисобланади. Жойларда сайёр қабуллар давом этмоқда.
Азамжон ХОЛИҚОВ,
Ўзбекистон “Адолат” СДП Шаҳрихон тумани кенгаши раиси

Бошка Маълумотлар

01 янв 1970
Ҳозирги кунда Навоий шаҳрида фаолият кўрсатаётган жами 73 та хусусий клиниканинг 71 таси амбулатор, иккитаси стационар тиббий муассасалардан иборат...
01 янв 1970
Фуқароларни ўйлантираётган масалаларни ҳал этиш, уларнинг қонуний манфаатларини рўёбга чиқариш депутатлар заммасидаги муҳим вазифалардан бири санал...
01 янв 1970
Республикамиз тараққиётининг янги босқичида сиёсий партияларнинг масъулияти тубдан ортмоқда. ...
01 янв 1970
Халқ депутатлари Наманган вилояти Кенгашидаги Ўзбекистон “Адолат” СДП гуруҳи фуқароларнинг мурожаатлари билан ишлаш йўналишида ҳам сама...