Судлар одамларни сарсон қилишига чек қўйилади
№
/
Судлар одамларни сарсон қилишига чек қўйилади
Судларнинг фуқароларимизни “отангга бор, онангга бор” қабилида овора қилиш ҳолатлари етарлича топилади. Ўзбекистон “Адолат” социал-демократик партияси инсонлар сарсон бўлишининг олдини олиш ва суд фаолияти сифатини ошириш мақсадида амалдаги “Судлар тўғрисида”ги қонунни такомиллаштиришни мақсад қилган.
Турли йўналишларга бўлинган судларни умумлаштириш зарур. Яъни фуқаролик, жиноий, маъмурий, иқтисодий ишлар бўйича Қорақалпоғистон Республикаси, вилоятлар ва Тошкент шаҳар ҳамда туман (шаҳар) судларини бирлаштириш орқали битта маъмурий ҳудудда битта суд идораси ташкил этиш даркор.
Натижада фуқаролик ва иқтисодий ишлар бўйича судларга даъво ариза топшириш ва ишларни кўриш жараёнида фуқароларни бошқа туманларга қатнаб ёки тоифа бўйича суд идораларини қидириб, сарсон бўлиб юришига, йўл, меҳмонхона каби харажатлар учун моддий зарар кўришига барҳам берилади.
Улуғбек Расулов,
Ўзбекистон “Адолат” СДП Сиёсий Кенгаши Марказий аппарати Ташкилий-партиявий ишлар бўлими мудири
Телефонлар:
info@adolatgzt.uz
