Фармон ижросига бағишланди

/
Фармон ижросига бағишланди
 
Яқинда Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигида Бош прокуратура ходимлари ҳамда оммавий ахборот воситалари вакиллари иштирокида матбуот анжумани бўлиб ўтди.
 
Унда Ўзбекистон Республикаси Президентининг 2019 йил 31 майдаги “Озодликдан маҳрум этиш жазосини ўтаётган, қилмишига чин кўнгилдан пушаймон бўлган ва тузалиш йўлига қатъий ўтган бир гуруҳ шахсларни афв этиш тўғрисида”ги фармони ижроси тўғрисида ахборот берилди.
 
Фармонга асосан жазони ижро этиш муассасаларида жазо муддатини ўтаётган 575 нафар шахслар афв этилиб, шундан 361 нафари жазодан озод этилди ва 214 нафарининг ўталмаган жазо муддати 1/4 қисмига қисқартирилди.
 
Жазодан озод этилган 361 нафар шахсларнинг ижтимоий мослашувини таъминлаш ҳамда улар томонидан ҳуқуқбузарликлар содир этилишининг олдини олиш мақсадида уларнинг барчаси ички ишлар идораларининг профилактик ҳисобига олинди, 257 нафарига биометрик паспортлар берилди, 1 нафар чет эл фуқароси ва 1 нафар фуқаролиги бўлмаган шахсга Ўзбекистонда доимий яшаш гувоҳномаси расмийлаштирилди.
 
Соғлиқни сақлаш органлари билан ҳамкорликда афв этилганларнинг 361 нафари тиббий кўрикдан ўтказилди. Тиббий кўрик хулосаси асосида уларнинг 24 нафари даволаниши ташкил этилди, 6 нафарига нафақа тайинланди.
 
Шунингдек, афв этилган шахсларга маҳаллий ҳокимликлар томонидан 419,8 млн. сўм миқдорида моддий ёрдам кўрсатилди, меҳнатга лаёқатли бўлган 326 нафаридан 315 нафари ишга, 10 нафари ўқишга жойлаштирилди.
 
Озод этилган шахсларнинг ижтимоий мослашувида ёрдам кўрсатиш мақсадида уларнинг яшаш, ўқиш ва иш жойларида 1253 нафар мураббийлар бириктирилди.
 
Матбуот анжуманида ОАВ вакиллари саволларига атрофлича жавоб берилди.

Бошка Маълумотлар

01 янв 1970
Ўзбекистон “Адолат” социал-демократик партияси Фарғона вилояти кенгаши “Ёш адолатчилар” қанотининг бир гуруҳ фаоллари Олий ...
01 янв 1970
Ватан. Бу қутлуғ сўз замирига жо бўлган моҳиятни тўлалигича тушуниш, англаб етиш учун инсоннинг маънавий камолоти жуда юксак даражада бўлмоғи лозим...
01 янв 1970
Мана, қирқ йилдирки, Афғонистонда қуролли тўқнашувлар, уруш ҳаракатлари тўхтамайди....
01 янв 1970
Туркиянинг ривожланган саноати, транспорт коммуникациялари, денгиз йўллари, қишлоқ хўжалиги, туризм салоҳияти, улкан давлатчилик тажрибаси эса Ўзбе...