Қуйи ташкилотларда сайловга қизғин тайёргарлик кўрилмоқда

/
Жорий йилнинг 24 декабрь куни Тошкент шаҳар халқ депутатлари туман Кенгашларига сайлов ўтказилиши муносабати билан Ўзбекистон “Адолат” СДП Тошкент шаҳар кенгаши сайловга пухта тайёргарлик кўриш ва унда муносиб иштирок этишга қаратилган муҳим вазифаларни масъулият билан амалга оширмоқда. Айни кунларда шаҳардаги бошланғич партия ташкилотларида шу мақсадлар доирасида ҳисобот-сайлов конференциялари бўлиб ўтмоқда.
Олмазор туманидаги Республика ихтисослаштирилган дерматология ва венерология илмий-текшириш маркази қошида тузилган бошланғич партия ташкилотида ўтказилган ҳисобот-сайлов йиғилишида ҳам мазкур сайловнинг ижтимоий-сиёсий аҳамияти, бу муҳим жараёнда туман партия ташкилоти, БПТлар ва ҳар бир сафдошимиз олдида турган долзарб вазифалар ҳақида сўз юритилди.
Таъкидлаш жоиз, Республика ихтисослаштирилган дерматология ва венерология илмий-текшириш марказида 60 га яқин партиядошларимиз фаолият юритмоқда. Бошланғич партия ташкилоти раиси, марказ бош шифокори Алишер Абидов партиянинг 2017 йил 24 декабрь куни бўлиб ўтадиган сайловда фаол иштирокини таъминлаш партиядошларимизнинг фаоллигига, фидойилик ва сиёсий маҳорат билан иш олиб боришига боғлиқ эканини қайд этди.
Шунингдек, пойтахтимизнинг бошқа туманларидаги бошланғич партия ташкилотларининг ҳисобот-сайлов конференцияларида ҳам туман партия кенгашларининг навбатдаги конференцияларига делегатлар сайланди.
Феруз ЖЎРАЕВ

Бошка Маълумотлар

01 янв 1970
Айни кунларда халқ депутатлари Китоб туман Кенгашидаги Ўзбекистон “Адолат” СДП депутатлик гуруҳида фаолият кўрсатаётган депутатларнинг ...
01 янв 1970
2019 йил мобайнида Ўзбекистон “Адолат” СДП тизимидаги “Адолат қабулхоналари”га фуқаролар ва юридик шахслардан жами 1865 дан...
01 янв 1970
Ўзбекистон “Адолат” СДП Асака туман кенгаши фаоллари “Кексалар доим ардоғимизда” лойиҳаси доирасида тумандаги меҳнат фахрий...
01 янв 1970
Чоршанба — электорат билан юзма-юз мулоқот куни