Партия ташаббуси ҳукумат қарорида ифодасини топди

/
Партия ташаббуси ҳукумат қарорида ифодасини топди

Олий таълим муассасаларида 2019 йил сентябрь ойидан табақалаштирилган эмас, бир хил миқдордаги стипендия бериш амалиётига ўтилгани кўплаб талабаларнинг ва жамоатчиликнинг ҳақли эътирозларига сабаб бўлган эди.

Бу тизимнинг хатолиги бўйича Ўзбекистон “Адолат” СДП ва унинг вакиллари бир неча бор ўз позициясини қатъий маълум қилди. Жумладан, “Адолат” ижтимоий-сиёсий газетасининг 2019 йил 38-сонида “Оширилган контракт, туширилган стипендия – қанчалик адолатли?!” сарлав­ҳаси остида Қонунчилик палатаси депутати Қодир Жўраевнинг мақоласи эълон қилинди.

Ушбу муаммо бўйича сайлов­олди дебатлар ва учрашувларда ҳам партиямиз вакиллари табақалаштирилган стипендияга қайтилиши лозимлиги ва бу бўйича Олий ва ўрта махсус таълим вазирлиги билан ҳамкорликда тегишли ишлар олиб борилётганини бир неча бор таъкидлашди. Ушбу жараёнларда айрим рақибларимиз буни сайловчиларнинг эътиборини қозониш учун ишлатилаётган ёлғон сифатида баҳолашди. Аммо халқимиз партия­мизга ишонди ва ўз овозини берди.

Ваъда вафоси билан гўзал деганларидек, Вазирлар Маҳкамасининг 2020 йил 31 январдаги “Олий таълим муассасалари талабаларига тўланадиган стипендиялар миқдорларини белгилаш ҳамда стипендиялар тайинлаш ва тўлаш тартибини такомиллаштириш чора-тадбирлари тўғрисида”ги қарори Ўзбекистон “Адолат” СДПнинг ташаббуси қўллаб-қувватланганини англатади.

Бу партиямизнинг сўз ва иш бирлиги тамойилига таянишининг яна бир исботидир.

Бошка Маълумотлар

01 янв 1970
Маълумки, молиявий қўллаб-қувватлаш тадбиркорлик фаолиятини йўлга қўйиш, ривожлантириш ва фаровон турмуш тарзини яратишнинг энг муҳим омилларидан б...
01 янв 1970
Мамлакатимизда амалга оширилаётган ислоҳотлар ўз самарасини бермоқда. 
01 янв 1970
Яқинда вилоят жамоатчилик гуруҳи аъзолари Қибрай туманининг бир қатор маҳаллаларида бўлиб, аҳолининг турмуш тарзи, уларни қийнаётган муаммолар била...
01 янв 1970
Ҳурматли “Адолат” ижтимоий-сиёсий газетаси таҳририяти ходимлари, “тўртинчи ҳокимият”нинг жонкуяр вакиллари!...