Фермернинг қандолатпазлик цехи

/
Тайлоқ туманида аграр соҳани ривожлантиришда, боғдорчилик, узумчилик ва сабзавотчиликда интенсив технологияларни қўллаб юқори ҳосил ва даромад олишда ёш фермерлар ташаббускор бўлишмоқда. Туманнинг “Сочак” қишлоғида жойлашган “Чаросой Шоҳрухбегим” фермер хўжалиги раиси Жаҳонгир Бердиев ана шундай изланувчан ёшлардан.
Жаҳонгир уста боғбонлар маслаҳатига амал қилиб, 4,5 гектар майдонда интенсив боғ ташкил этди. Серҳосил ва тезпишар ток, олма, гилос кўчатларини саралаб экди. Кўчатлар агротехника қоидалари асосида парваришланаётгани туфайли боғ ва токзорлар мўл ҳосилдан нишона бермоқда. Тадбиркор йигит дала-деҳқончилик юмушлари билан кифояланмай, ўз фермер хўжалиги ҳудудида қандолатпазлик цехи ҳам очди. Бу ерда айни пайтда 8 киши доимий иш билан банд. Савдо тармоқларига ҳар куни 500-600 килограмм 15 турдаги сифатли маҳсулот етказиб берилмоқда. Шу биргина қўшимча корхона ҳисобига фермер ойига 30-40 миллион сўм даромад топмоқда. Жаҳонгир Бердиев дастлабки ютуқлардан руҳланиб, шу йилнинг ўзидаёқ асаларичилик, балиқчиликни йўлга қўйиш орқали фермер хўжалигининг молиявий имкониятларини янада кенгайтириш ниятида.
Зоҳир ТЎРАҚУЛОВ,
“Adolat” мухбири

Бошка Маълумотлар

01 янв 1970
Ҳозирги кунда «Асaкa» бaнк тoмoнидaн aҳoлигa 25 йўнaлишдаги лойиҳаларни молиялаштириш бўйича имтиёзли шартларда кредитлар тaклиф этилмo...
01 янв 1970
Тайлоқ туманида аграр соҳани ривожлантиришда, боғдорчилик, узумчилик ва сабзавотчиликда интенсив технологияларни қўллаб юқори ҳосил ва даромад олиш...
01 янв 1970
Тадбиркорлик ёки бизнес соҳасида даромад орттириш, ўзи ва ўзгалар рўзғорини фаровон қилишнинг сирлари кўп....
01 янв 1970
Бугунги кунда банк тизимида мижозлар учун қулай имкониятлар яратиш учун катта саъй-ҳаракатлар олиб борилмоқда. Айниқса, уларнинг ўзаро ҳамкорликда ...