Қонуни кучли бўлган давлатнинг равнақи бутун бўлади

/
Қонуни кучли бўлган давлатнинг равнақи бутун бўлади
 
Ўзбекистон Республикаси Президенти Шавкат Мирзиёев Олий Мажлис Қонунчилик палатасининг биринчи ташкилий мажлисида сўзлаган нутқи депутатлик фаолияти учун яна бир мактаб бўлди десак, муболаға бўлмайди.
 
Президентимиз дастлаб ўз нутқида депутатлик лавозимига сайлангани билан барча депутатларни муборакбод этар экан, парламентнинг ҳақиқий маънодаги халқ уйига айланишига алоҳида тўхталиб ўтди. Бу эса депутатларнинг том маънода ўз фаолиятига нисбатан масъулиятни оширади.
 
Давлатимиз раҳбари ўз маърузасида депутатнинг вазифаси ҳамда унинг аниқ мақсадини белгилаб берди. Жумладан, улар томонидан муҳокамага киритилган ҳар бир қонун лойиҳаси бўйича ўзининг мустаҳкам позициясини кўрсатган тақдирдагина сайловчилар ишончини оқлай олиши борасида алоҳида фикр билдирар экан, бунда ҳар бир депутат халқ манфаатларидан келиб чиққан ҳолда унинг учун хизмат қиладиган, манфаатларини ҳимоя қиладиган, халқчил бўлиши лозимлигини таъкидлади. “Ҳар бир қонуннинг, таъбир жоиз бўлса, кўзи, оёғи, ижроси бўлиши лозим. Қонун қабул қилиндими, албатта, ҳаётда ўзгариш бўлиши керак” деган фикри эса депутатнинг фаолияти давомида асосий шиорга айланмоғи шарт. Чунки қонуни кучли бўлган давлатнинг равнақи бутун бўлади. Бу фуқароларнинг манфаатлари ҳимоя қилинишига хизмат қилади. Энг муҳими, юртимизда янгиланишлар ва амалий ишларнинг аниқ натижалари бўй кўрсатади.
 
Мамлакатимиз раҳбари ўз нутқида, шунингдек, соғлиқни сақлаш тизимидаги мавжуд камчиликларни тилга олди. Таъкидланганидек, соҳада давлат-хусусий шерикликни йўлга қўйишнинг ҳуқуқий асослари яратилган бўлса-да, биронта лойиҳа ишга туширилмаганлиги, шунингдек, онкологик, эндокринологик ва юрак-қон томир тизими касалликларини даволаш бўйича ишларнинг аҳволи талаб даражасида эмаслиги тизимда мавжуд муаммоларнинг бартараф этилишига ҳам тўсқинлик қилиши мумкин. Шунинг учун ҳам Президент тиббий хизмат сифатини яхшилаш учун қандай қонуний чоралар кўриш, одамларни рози қилиш бўйича чинакам ташаббус ва қатъият кўрсатилиши борасида ўз фикрларини қайд этиб ўтди.
 
Парламентнинг асосий вазифаси ва депутатларнинг фаолияти бўйича берилган таклифлар уларни чинакамига халққа янада яқинлаштиришга хизмат қилади.
 
Хулоса ўрнида айтганда, давлатимиз раҳбарининг ушбу маърузаси “Парламент халқ иродасининг ҳақиқий кўзгуси бўлиши зарур” деган улуғвор  ғоя амалга оширилишига асос бўлади.
 
Мақсуд ҲАМИДОВ,
халқ депутатлари Бухоро вилояти Кенгаши депутати

Бошка Маълумотлар

01 янв 1970
Мамлакатимизнинг мустақиллик йилларида иқтисодиёт тармоқларида эришган барча ютуқ ва марралари, унинг тизимли суръатлар билан ўсиши, аввало, ...
01 янв 1970
Ўтган йилнинг ноябрь ойида Туркманистонда Ўзбекистон маданияти кунлари ўтказилди. Тадбир доирасида бадиий асарлар кўргазмалари ташкил этилди....
01 янв 1970
Ўзбекистон Республикаси Президентининг Олий Мажлисга Мурожаатномасини кўпчилик интиқлик билан кутди. Чунки унда янграйдиган гаплар нафақат депутат ...
01 янв 1970
Муҳтарам Президентимиз Шавкат Мирзиёев иштирокида Ўзбекистон Республикаси Олий Мажлиси Қонунчилик палатасининг биринчи йиғилиши бўлиб ўтди. Муҳ...