Махсус туристик поезд Тошкентда

/
Жорий йилнинг 18 сентябрь куни эрта тонгда “Келес” темир йўл чегара-божхона постига кириб келган йўловчи поезд шу турдаги одатий поездлардан фарқ қилади. Чунки у йирик немис сайёҳлик компанияларидан бири томонидан уюштирилаётган махсус туристик поезд ҳисобланади.
Одатда, пойтахтимизга четдан кириб келадиган халқаро рейслардаги поездлардаги йўловчилар марказий вокзалга келишдан аввал “Келес” чегара-божхона постида божхона назорати ва расмийлаштирувидан ўтказилади.
Таъкидлаш жоизки, бу жараёнда божхона ходимларининг зиммасидаги масъулият катта. Зеро, Ўзбекистонга кириб келаётган хорижий меҳмонлар, энг аввало, божхона ходимлари билан мулоқотга киришишади, уларнинг юртимиз ҳақидаги дастлабки таассуротлари айни шу мулоқотдан шакллана бошлайди.
Сайёҳлар билан хорижий тилларда эмин-эркин мулоқот қилаётган божхона ходимлари уларни мамлакатимиз божхона қоидалари билан яқиндан таништиришди.
Поездда хорижий сайёҳлар учун яратилган шарт-шароитлар, вагонларнинг ўзига хос дизайни ва жиҳозланиши киши эътиборини ўзига тортади.
Поезддаги 110 нафарга яқин сайёҳларнинг асосий қисмини Европа, хусусан, Германиядан ташриф буюрган туристлар ташкил қилади. Улар йўналишларга бўлинган ҳолда 28 сентябрга қадар Ўзбекистоннинг Самарқанд, Бухоро, Хива, Қўқон, Шаҳрисабз ва бошқа бир қатор тарихий шаҳарларида бўлишади.
— Мен Ўзбекистон ҳақида эшитган эдим, айниқса, Самарқанд, Бухоро ва Хива шаҳарларининг довруғи бутун оламга ёйилган. Мен Германияданман, юртингиз ростдан ажойиботларга тўла, ҳаммаси аъло даражада, айниқса, биз, Германия фуқаролари учун 2018 йил январь ойидан 30 кунлик визасиз режимнинг Ўзбекистонда жорий этилиши янада қулайлик яратди, — дейди сайёҳлардан бири Хильдегард Дрехслер хоним.
“Ўзтемирйўлйўловчи” акциядорлик жамиятининг маълум қилишича, октябрь ойининг якунига қадар худди шу каби яна 2 та махсус туристик поезднинг келишига тараддуд кўрилмоқда.

Бошка Маълумотлар

01 янв 1970
Мазкур мақоладан сўнг таҳририятимизга Тошкент шаҳар Ободонлаштириш бош бошқармасидан жавоб хати келиб тушди:...
01 янв 1970
Хоразм вилоят халқ таълими бошқармаси бошлиғи Эргаш ХУДОЙНАЗАРОВ билан суҳбат
01 янв 1970
Кейинги кунлари аҳоли, электоратимиз вакиллари билан учрашиб, бугунимизнинг долзарб мавзулари, муаммолари ҳақида гурунглашганимизда гап мавзуи тунг...
01 янв 1970
Алишер Навоий номидаги Ўзбекистон Миллий кутубхонасида Ўзбекистон халқ шоири Ҳалима Худойбердиева таваллудининг 70 йиллигига бағишланган тадбир бўл...