Вазифалар молиявий асосга эга бўлсин

/
Партиямизнинг Сиёсий ва Сайловолди дастурлари лойиҳаси муҳокамасига бағишланган тадбирларда, оммавий ахборот воситаларида кўплаб фикр-мулоҳазалар билдирилмоқда. Уларда ўртага ташланган таклифларни кўп сонли сафдошларимиз қатори мен ҳам қўллаб-қувватлайман.
Чунки ушбу таклифларда соҳалар тараққиётига, инсон ҳуқуқларини таъминлаш ва халқимиз ҳаётини тубдан яхшилашга халақит бераётган катта-кичик муаммолар ва уларнинг аниқ ечимлари ҳақида сўз юритилмоқда. Таълим ва тиббий хизмат кўрсатиш сифатини яхшилаш, Тошкент шаҳрида прописка масалаларига доир таклифлар шулар жумласидандир.
Иккала дастур лойиҳасининг мазмун-моҳияти билан танишиб чиқдим. Аввало, партиянинг янги дастур лойиҳалари ҳаддан ортиқ катта ҳажмда бўлиб, унда зўраки “шиширилган” ўринлар, такрорлар кўп учрайди. Шу боис лойиҳа билан танишиб чиқиш ва унда ёритилган ғояларни “ҳазм” қилиш қийин, назаримда.
Мазкур лойиҳаларнинг ҳажм жиҳатдан ярмидан кўпроғини қисқартириш, жиддий таҳрир қилиш зарурлиги яққол кўриниб турибди.
Янги дастурларимиз бошқа сиёсий партияларнинг дастурларидан ўзига хослиги, долзарб муаммолар ва уларнинг ечимларини кўпроқ акс эттириши билан фарқланиши керак, албатта. Дастурда қўйилган ҳар бир вазифа амалга оширилганда ундан халқ қандай манфаат кўриши, вазифанинг молиявий асослари халқнинг гарданига ортиқча юк бўлиб тушмаслигини ҳам назарда тутиш адолат тамойилларига мосдир.
Хуллас, сайловчиларнинг дастурга нисбатан қизиқишини пасайтирадиган жиҳатлар аҳолининг партияга муносабатига ҳам таъсир қилишини эътибордан соқит қилиб бўлмайди.
Демак, дастурларимизда одамларнинг ҳаётдан рози бўлиб яшашига хизмат қиладиган, шу мақсадда кўзланган натижага олиб келадиган аниқ вазифалар қўйилиши ва уларни амалга ошириш механизмлари, молиявий асослари ёритилиши мақсадга мувофиқдир.
Адҳам ЭЛТОЕВ,
Ўзбекистон “Адолат” СДП фаоли, иқтисодчи

Бошка Маълумотлар

01 янв 1970
Ўзбекистон «Адолат» СДП “Фаол тадбиркорлик, инновацион ғоялар ва технологияларни қўллаб-қувватлаш йили”да Ҳаракатлар страте...
01 янв 1970
Бугун мамлакатимиз тараққиётининг янги босқичидаги ислоҳотлар шиддати жамиятимизнинг барча соҳаларида рўй бераётган ўзгаришларда намоён бўлмоқда.&n...
01 янв 1970
Юқоричирчиқ туман партия кенгашида тузилган ишчи гуруҳи аъзолари “Сирғали” маҳалласи аҳли билан мулоқотда бўлишди....
01 янв 1970
Ўзбекистон Республикаси Олий Мажлиси Қонунчилик палатасининг Коррупцияга қарши курашиш ва суд-ҳуқуқ масалалари қўмитаси тузилди....