Сафдошимиз — фестиваль ғолиби

/
Мамлакатимизда ёшларнинг истеъдодини юзага чиқариш, илм-фаннинг юксак чўққиларини эгаллашлари учун кенг шарт-шароитлар яратилган. Шу туфайли иқтидорли ёшлар барча соҳада ташаббус ва шижоат кўрсатишаётир. Бу жараёнда Ўзбекистон “Адолат” СДП фаоллари, “Ёш адолатчилар” қаноти аъзолари ҳам ўз қобилиятларини намоён этиб келишмоқда.
Республика Маънавият тарғибот маркази томонидан ташкил этилаётган анъанавий “Юксак маънавиятли авлод” фестивали юртимиз ёшларида катта қизиқиш уйғотмоқда. Тадбирнинг Бухоро вилояти шаҳар ва туман босқичларида 17 минг нафарга яқин ўғил-қизлар иштирок этди. Навбатдаги босқичда эса улардан салкам 300 нафари ўз иқтидори, билими, касб маҳоратини синовдан ўтказди.
Қувонарлиси, партиямиз фаоли, Вобкент агросаноат касб-ҳунар коллежи I босқич ўқувчиси Азиза Ортиқова фестивалнинг вилоят босқичида муваффақиятли иштирок этиб, республика босқичида қатнашиш учун йўлланмани қўлга киритди.
— Фестиваль қатнашчилари “Президент асарлари билимдони”, “Ватан куйчиси”, “Энг иқтидорли ҳунарманд” каби жами саккиз номинация бўйича ижодий баҳслашди, — дейди Азиза Ортиқова. — Унда “Президент асарлари билимдони” номинациясида қатнашиб, ғолиб бўлдим. Эндиликда, республика босқичида вилоят шарафини ҳимоя қилиш бахтига мушарраф бўлганим, чексиз ифтихор бағишлайди.
— Юртимиз тараққиёти, унинг жаҳон ҳамжамиятида муносиб ўринга эга бўлиши кўп жиҳатдан бугун камолга етаётган ёшларнинг ақл-заковати, билим-тафаккури ва ғайрат-шижоатига боғлиқ. Шу боис навқирон авлод тарбиясига энг устувор вазифалардан бири сифатида эътибор қаратиб келинмоқда, — дейди ушбу касб-ҳунар коллежининг тарих фани ўқитувчиси Шаҳноза Асророва. — Эътиборлиси, республика миқёсида ўтказилаётган турли фан олимпиадалари, фестиваль, кўрик-танловларда ёшларимизнинг катта билим ва салоҳиятга эга эканлиги аниқланмоқда.
Жўрабек ЖЎРАЕВ,
Вобкент агросаноат касб-ҳунар коллежи ўқитувчиси,
Ўзбекистон “Адолат” СДП аъзоси

Бошка Маълумотлар

01 янв 1970
Кўчмас мулк ижараси шартномасини нотариал идорада тасдиқлаш учун қандай ҳужжатлар тақдим этилиши лозим бўлади?...
01 янв 1970
Юртимизда айни кезларда фасллар келинчаги баҳор нафаси кезиб юрибди. Яшилликка бурканган табиат киши кайфиятига баҳорий илиқлик олиб киради....
01 янв 1970
Ғурур ва ифтихоримизнинг боиси шундаки, биз тиш-тирноғи билан қуролланган, ўнлаб мамлакатларнинг иқтисодий салоҳиятини ўзлаштирган хавфли душман ус...
01 янв 1970
Юқоричирчиқ туман партия кенгашида тузилган ишчи гуруҳи аъзолари “Сирғали” маҳалласи аҳли билан мулоқотда бўлишди....