Балиқчилик ривожланмоқда

/
Самарқанд вилоятида кўп тармоқли фермер хўжаликлари базасида қорамолчилик, паррандачилик, асаларичилик билан бир қаторда балиқчиликни ривожлантиришга ҳам алоҳида эътибор қаратилмоқда.
Шу мақсадда ташкил этилган “Вилоят балиқ саноат” уюшмаси фермерларга соҳанинг моддий-техник базасини мустаҳкамлашга, энг яхши тажрибаларни оммалаштирган ҳолда балиқ етиштиришнинг миқдор ва сифат кўрсаткичларини яхшилашга яқиндан кўмаклашмоқда.
Самарқанд туманидаги “Оқ Амур балиқлари” фермер хўжалиги уюшма таркибида намунали фаолият юритаётган жамоалардан бири. Бу ерда вилоят фермерлари учун ҳар йили 1 миллион донадан ортиқ балиқ чавоқлари етказиб берилмоқда. Балиқнинг оқ амур, оқ дўнгпешона, зоғора балиқ сингари турлари сунъий ҳовузларда интенсив усулда етиштирилиб, талабгорларга арзон нархларда етказиб берилаётгани бозорларга чиқарилаётган маҳсулот таннархини арзонлаштириш имконини бермоқда.
Фақат шу йилнинг ўтган 9 ойи мобайнида вилоятдаги ўнлаб фермер хўжаликларига 50 тоннага яқин балиқ чавоқлари етказиб берилди. Шу билан бир қаторда ички бозорга 138 тонна парҳез маҳсулот сотувга чиқарилди. Йил якунига қадар бу кўрсаткични 400 тоннага етказиш мўлжалланган.
— Барча турдаги балиқлардан етиштириш ҳисобига йил якунида 4 миллиард сўм даромад олишни режалаштирганмиз, — дейди жамоа раҳбари Илҳом Ҳалимов. — Муҳими, хўжалигимизда ҳар бир ишни аниқ ҳисоб-китоб, мутахассислар тавсиясига асосланиб олиб бораётганимиз, омухта ем ва бошқа зарурий хомашёни шу ернинг ўзида тайёрлаётганимиз, иш жараёнида вақт ва харажатларни қисқартиришга эришаётганимиз ўз ижобий самарасини бермоқда. Айни кунларда сунъий ҳовузларимизда тез вояга етадиган янги тур балиқларни урчитиш, кўпайтириш чораларини кўраяпмиз.
Зоҳир ТЎРАҚУЛОВ,
“Adolat” мухбири

Бошка Маълумотлар

01 янв 1970
«Банк хизматлари оммабоплигини ошириш бўйича қўшимча чора-тадбирлар тўғрисида»ги қарорда аҳоли ва тадбиркорларга банк хизматларини кўрс...
01 янв 1970
Тоза табиатни асраш, атроф-муҳитга эътиборли бўлиш, ободонлаштириш ишларини кенгайтириш, маиший чиқиндиларни қайта ишлаб, самарали фойдаланиш бугун...
01 янв 1970
Айни пайтда иқтисодиётга хорижий инвестицияларни киритиш натижасида ишлаб чиқариш ва иқтисодиётнинг бошқа соҳаларида ижобий ўзгаришлар амалга ошири...
01 янв 1970
Мамлакатимизда қишлоқ хўжалигини ривожлантириш борасида амалга оширилаётган ислоҳотлар замирида соҳани модернизациялаш, замонавий техника ва технол...