Аҳоли нимадан норози?

/

Аҳоли нимадан норози?

 

Ўзбекистон “Адолат” СДП Тошкент шаҳар кенгаши қабулхонасига пойтахтда истиқомат қилувчи бир гуруҳ фуқаролардан мурожаат келиб тушди.

 

Мурожаатда баён этилишича, фуқаро А.Норов ва яна 140 нафар хонадон эгалари бундан бир йил муқаддам Мирзо Улуғбек тумани “Ўқитувчилар” кўчасидан ҳар бири 400 м.кв ер майдонини уй-жой қуриш ҳуқуқи билан ўзлари яшаб турган квартираларини шаҳар захира фондига берилиши ҳисобига олишган. Ушбу ер майдонлари Тошкент шаҳар ҳокимининг 2017 йил 19 июндаги “Якка тартибда уй-жой қуриш учун ер участкалари ажратиш тўғрисида”ги 772-сонли қарори асосида берилган.

 

2017 йилнинг охири ва 2019 йилнинг январь ойига қадар юқорида кўрсатилган фуқароларнинг баъзилари томонидан уйлар қурилиши бошланган. Бироқ даъвогарларнинг маълум қилишича, мазкур ер майдонларида қурилиш ишлари давом этаётган бир пайтда, яъни 2019 йилнинг февраль-март ойларида Тошкент шаҳар ва Мирзо Улуғбек туман ҳокимликларининг мансабдор шахслари томонидан оғзаки равишда (ҳеч қандай ҳужжат берилмасдан) ер участкаларида уй-жой қуриш ишлари вақтинча тўхталиши айтилган. Сабаб қилиб, ер майдонлари остидан сув сатҳи кўтарилаётганлигини иддао қилишган. Ер майдонидан фойдаланиш ҳуқуқини олган талабгорлар эса сув чиқаётганлигини инкор этишмоқда.

 

Мурожаатчилар билан суҳбатимизда улар ҳозирда ижарама-ижара сарсон бўлиб юришганлигини маълум қилишди. Бу ҳолат уларни қийин аҳволга солиб қўяётганлигини, муаммонинг тезда ҳал этилишида ёрдам кўрсатишимизни сўрашди.

 

Чиндан ҳам кўплаб инсонларнинг тақдирига боғлиқ ушбу масала ўта жиддий. Биз бу борадаги амалий ишларни газетанинг кейинги сонлардаги мақолаларимизда батафсил ёритамиз.   

Меҳринисо

 

 

БОБОНАЗАРОВА,

 

 

Тошкент шаҳар кенгаши

матбуот котиби


Бошка Маълумотлар

01 янв 1970
Аҳолининг сиёсий-ҳуқуқий маданиятини юксалтириш мамлакатимизда амалга оширилаётган демократик ўзгаришлар ва ислоҳотлар самарадорлигининг муҳим шарт...
01 янв 1970
Фуқароларни ўйлантираётган масалаларни ҳал этиш, уларнинг қонуний манфаатларини рўёбга чиқариш депутатлар заммасидаги муҳим вазифалардан бири санал...
01 янв 1970
Фуқаролик жамияти шаклланишини мониторинг қилиш мустақил институти томонидан семинар-тренинглар ўтказилмоқда....
01 янв 1970
Бугунги кунда фуқаролар маҳаллий ҳокимият вакиллик органларига сайланган депутатларнинг амалий ишларига қизиқиш ва ишонч билдираётгани бежиз эмас.&...