Осуда ҳаёт қадрига етайлик

/
Иккинчи жаҳон урушида фашизмга қарши курашишга ҳисса қўшганлар, урушда ҳалок бўлганларнинг хотирасига эҳтиром кўрсатиш ҳамда мустақиллик йилларида хизмат бурчини бажариш чоғида ҳалок бўлган ҳарбий хизматчилар ва ҳуқуқни муҳофаза қилиш органлари ходимларининг хотирасини абадийлаштириш, бугун сафларимизда туриб Ватан обрў-эътиборини юксалтиришга, ёшларни маънавий-ахлоқий жиҳатдан тарбиялашга ҳисса қўшаётган фахрийларни эъзозлаш мақсадида уруш қатнашчилари, меҳнат фахрийлари, кексалар истиқомат қилувчи хонадонларга ташриф буюрилиб, улар ҳолидан хабар олинмоқда.
Ўзбекистон “Адолат” социал-демократик партияси Самарқанд вилоят кенгаши ташаббуси билан ҳам бир қатор тадбирлар ташкил этилди.
Жумладан, халқ депутатлари Тайлоқ туман Кенгаши депутатлари, партия фаоллари бугунги тинч ва осуда кунлар, Ватан озодлиги, юрт тинчлиги йўлида жон олиб жон берган аждодларимизнинг муқаддас хотирасини ёд этиб, ҳозирда умргузаронлик қилаётган уруш фахрийларига эъзоз ва ҳурмат кўрсатиш мақсадида Асрор бобо Истамов хонадонида бўлишди. Асрор бобо ибратли ҳаёт йўли ҳақида сўзлаб берди, эзгу тилаклар билдирди. Учрашувда уруш фахрийсига эсдалик совғалари тақдим этилди.
Ўзбекистон “Адолат” СДП Булунғур туман кенгаши “Ёш адолатчилар” қаноти ташаббуси билан сафдошларимиз ва ёшлар “Ниёзмат” маҳалла фуқаролари йиғинида истиқомат қилувчи уруш фахрийси Ўрозали бобо Пирманов хонадонига ташриф буюрди.
Суҳбат чоғида Ўрозали бобо ўқувчи ёшларга Иккинчи жаҳон уруши хотираларини ҳикоя қилиб берди.
Бу каби учрашувлар барча туман ва шаҳар партия кенгашлари томонидан ташкил этилмоқда.
Лола САЙИДОВА,
Самарқанд вилоят кенгаши матбуот котиби

Бошка Маълумотлар

01 янв 1970
Сиёсий кучнинг мақсад-вазифаларини ҳаётга татбиқ этиш, айниқса, партия депутатларининг ташаббускорлик ва фидойилик билан иш олиб боришини тақозо эт...
01 янв 1970
Она табиат гўзалликлари, ободлик йўлида қилинаётган эзгу ишлар юртимизнинг ҳар бир гўшасига чирой бағишлайди. ...
01 янв 1970
Мамлакатимизда аҳоли бандлигига алоҳида эътибор қаратилиб, айниқса, ёшлар ҳамда хотин-қизларни иш билан таъминлаш борасида амалий ишлар қилинмоқда....
01 янв 1970
Жорий йил ҳар ойнинг биринчи ўн кунлигида Олий Мажлис Қонунчилик палатаси депутатлари ҳамда сенаторларнинг жойларда фуқаролар билан бўлиб ўтаётган ...