“Кўҳна қалъа” МФЙнинг биноси борми?

/
Партия тизимида белгиланганидек, ҳар ҳафтанинг чоршанба куни “Адолат”чилар маҳаллаларга чиқиб, аҳолининг турмуш шароити билан яқиндан танишмоқдалар. Ўрганишлар натижасида фуқаролар ечим излаб келган бир қатор муаммолар бартараф этилмоқда.
Урганч шаҳар партия кенгаши қошида тузилган ишчи гуруҳ аъзолари “Кўҳна қалъа” маҳалласида уйма-уй юриб, фуқаролар билан суҳбатлашдилар. Ушбу маҳалла фуқаролар йиғини раиси Гавҳар Ҳасанованинг таъкидлашича, МФЙ биносининг мавжуд эмаслиги боис улар “Феруз” МФЙ биносининг 2-қаватида, ўта таъмирталаб хонада фаолият юритишмоқда.
Ўрганишлар жараёнида “Кўҳна қалъа” маҳалласининг ҳудудида МФЙ биносини қуриш учун жой борлиги маълум бўлди. Бу масала юзасидан ишчи гуруҳ раиси Рустам Болтаев Урганч шаҳар ҳокими номига депутатлик сўрови чиқаришини айтиб ўтди.
Шунингдек, ишчи гуруҳ аъзолари фуқаро Дилбар Қўшчанова билан кўп қаватли бинолар олдидаги боғда ишлаётган пайтида суҳбатлашди. Д.Қўшчанова тадбиркорликка қизиқиши боис, тўртинчи қаватда яшашига қарамасдан бинонинг олдидаги қаровсиз ётган ерга ишлов бериб, мўъжазгина боғ яратганлиги ишчи гуруҳ эътиборини тортди.
Фаоллар мулоқотлар жараёнида маҳаллада истиқомат қилаётган Султонмурод Атамуратов билан суҳбатлашганда у турмуш ўртоғи Султонпошша Полвонованинг бир неча йиллардан буён оғир хасталик билан оғриб, дори-дармонларнинг нархи баландлиги сабаб вақтида даволана олмаётгани тўғрисида баён этди.
Депутат Рустам Болтаев Урганч шаҳар тиббиёт бирлашмаси бош шифокорига депутатлик сўрови киритиб, унинг муолажа олиши учун кўмаклашишга ваъда берди.
Замира АБДУЛЛАЕВА,
Хоразм вилоят кенгаши матбуот котиби

Бошка Маълумотлар

01 янв 1970
Партиянинг сиёсий майдонда муносиб ўрин эгаллаши ва кенг омма ўртасида нуфузи ошишида маҳаллий Кенгаш депутатларнинг фаоллиги алоҳида аҳамият касб ...
01 янв 1970
Қариганда айрим кишилар кексалик гаштини сураман деб ўзларидан ортмай, уйдаги икир-чикирлардан бўшамай қолади....
01 янв 1970
14 февраль куни Заҳириддин Муҳаммад Бобур таваллудининг 536 йиллигига бағишлаб, “Бори элға яхшилиғ қилғилки...” мавзусида маънавий-маър...
01 янв 1970
Аҳоли мурожаатлари билан ишлаш, уларнинг муаммоларини вақтида ҳал этиш депутат олдида турган энг муҳим вазифадир....