МФЙ биноси қачон битказилади?

/
Ўзбекистон “Адолат” СДП Урганч шаҳар кенгашидаги партия фаоллари ҳамда ҳамкор ташкилот вакилларидан таркиб топган ишчи гуруҳининг ўрганишлари натижасида шаҳардаги “Ашхобод” маҳалласида хайрли ишлар амалга ошди.
Учрашувда маҳалла аҳли “Ашхобод” МФЙ биноси деярли яроқсиз ҳолда эканлиги, унинг олд қисми бир неча бор таъмирланганига қарамасдан ёғингарчилик бўлди дегунча эски ҳолатига қайтиши, МФЙ учун янги бино қурилиши тўхтаб қолганини таъкидлашди.
Ишчи гуруҳ ўрганишларида МФЙ учун қурилиши мўлжалланган янги бино эътиборсиз қолиб, ташландиқ жойга айланиб бораётгани маълум бўлди. Бу масала хусусида Урганч шаҳар ҳокими номига депутатлик сўрови киритилиб, ушбу масалада депутатлик назорати ўрнатилди.
Маҳаллада яшовчи Саодатжон Сеъдамутова қизи Умида Асламова 2-гуруҳ ногирони эканлиги, ҳар олти ойда катта миқдордаги маблағ эвазига муолажа олиши лозимлиги боис моддий томондан қийналаётгани, яна бир қизи иш тополмаётганлиги ҳақида баён этди. Ишчи гуруҳ аъзолари фуқарога моддий ёрдам бериш масаласида МФЙ фаоллари билан келишиб, шаҳар Бандликка кўмаклашиш маркази раҳбари номига депутатлик сўрови чиқаришди.
Олдинги учрашувлардан бирида “Ашхобод” маҳалла аҳолиси ҳудуднинг шаҳар марказига туташ қисмидан ўтувчи темир йўл устига қурилган катта кўприкнинг устки қисми ёпилмагани боис ноқулайликлар пайдо бўлаётганидан шикоят қилишган эди. Депутат Данохон Олимованинг Хоразм вилоят темир йўл вокзали раҳбари номига киритган депутатлик сўрови натижасида муаммо ижобий ечим топди.
— Неча йиллардан буён қишнинг қор-қировли, баҳорнинг ёмғирли кунларида кўприкдан ўтганимда кўнглимда хавотир пайдо бўлар эди. Очиғини айтсам, бир неча марта сирпаниб кетиб, оёқ-қўлим лат еган, — дейди маҳаллада истиқомат қилувчи Отаназар ота Юсупов. — Маҳалладошларимнинг кўпчилиги бу муаммодан азият чекканлиги рост. Депутат Данохон Олимова бизни бу қийинчиликдан халос бўлишимизга кўмаклашди. Кўприкнинг устки қисми ёпилди.
Маҳалла аҳли хайрли ишлар учун партия депутатларидан мамнун бўлишди.
Замира АБДУЛЛАЕВА,
Хоразм вилояти кенгаши матбуот котиби

Бошка Маълумотлар

01 янв 1970
Бугунги кун олдимизга қўяётган янгидан-янги вазифалар ҳудудларда партия депутатлик гуруҳлари ишини, уларнинг фаоллигини янада кучайтиришни тақозо э...
01 янв 1970
Инновацияларни жорий этиш корхоналар рақобатдошлигини ошириш, уларнинг иқтисодий мустақиллиги ва бозордаги мавқеини мустаҳкамлашнинг асосий омиллар...
01 янв 1970
Ҳудудларда партия ташкилотларининг аҳоли ўртасида ишончга сазовор бўлиши уларнинг фуқаролар манфаатларини рўёбга чиқариш, мавжуд муаммоларни бартар...
01 янв 1970
Ҳудудларда Ўзбекистон “Адолат” СДП депутатлари ва фаоллар аҳоли билан очиқ мулоқотлар қилиб, фуқароларнинг таклиф ва мурожаатлари асоси...