Рағбат истеъдодга қанот бағишлайди

/
Ёшлар тарбияси, уларнинг жамият ҳаётидаги фаоллигини ошириш, интеллектуал салоҳиятли, инновацион фикрлайдиган, истеъдодли ёшларни излаб топиш ва қўллаб-қувватлаш Ўзбекистон “Адолат” социал-демократик партияси Қорақалпоғистон ҳудудий кенгаши фаолларининг ҳам диққат марказидаги масалалардан биридир.
Партиямизнинг “Ватан келажаги ёшлар қўлида” ижтимоий лойиҳаси доирасида мамлакатимиз мустақиллигининг 25 йиллигига бағишлаб ташкил этилган “Иншолар танлови”нинг ҳудудий босқичида олий ва ўрта махсус таълим даргоҳларида таҳсил олаётган юзлаб истеъдодли ёшлар иштирок этди.
Нукус шаҳрида “Гўзал ва бетакроримсан, муқаддас Ватаним, жоним сенга фидо, Ўзбекистоним!” шиори остида ташкил этилган тадбирда мазкур танловнинг ҳудудий босқичи ғолибларини тақдирлаш маросими бўлиб ўтди.
Тадбирда партиянинг Қорақалпоғистон Республикаси кенгаши раиси Е.Кунназаров ва халқ депутатлари Нукус шаҳар Кенгаши депутати, партия ҳудудий кенгашининг “Аёллар қаноти” етакчиси У.Сейтжановалар мустақиллик йилларида мамлакатимизда таълим-тарбия соҳасида амалга оширилган кенг кўламли ислоҳотлар ва Ўзбекистон “Адолат” социал-демократик партияси томонидан ёш авлодни баркамол қилиб вояга етказишга қаратилган эътибор, бу борада бир қатор лойиҳалар амалиётга изчил йўналтирилгани хусусида батафсил сўз юритдилар.
Тадбирда “Иншолар танлови”нинг ҳудудий босқичида фаол иштирок этган иқтидорли ёшлар рағбатлантирилиб, Қорақалпоғистон Республикаси партия кенгашининг эсдалик совғалари ва фахрий ёрлиқлари билан тақдирланди.
— Мустақиллик биз, ёшларга ўз тарихимиз ва миллий қадриятларимизни эмин-эркин ўрганиш, эркин фикрлаш ва ижод қилиш бахтини берган, — дейди танлов иштирокчиси, Нукус иқтисодиёт касб-ҳунар коллежи ўқувчиси Абадан Сержанова. — Ёзган иншоларимизда она юртга меҳр-муҳаббатимиз, озод ва обод Ватанимиз гўзалликлари, орзу-мақсадларимизни чин дилдан ифодалашга ҳаракат қилдик.
Шарипа ТОРЕШОВА,
Қорақалпоғистон Республикаси кенгаши матбуот котиби

Бошка Маълумотлар

01 янв 1970
Бухоро шаҳрида “Йилнинг энг фаол адолатчи аёли” кўрик-танловининг вилоят босқичи бўлиб ўтди. ...
01 янв 1970
Тўрақўрғон — Наманган вилоятининг ижтимоий-иқтисодий ривожланишига муносиб ҳисса қўшиб келаётган, ҳар соҳада ўзига яраша мавқега эга бўлган т...
01 янв 1970
Аввал хабар қилганимиздек,  “Адолатли қайнона” республика кўрик-танловининг ҳудудий босқичлари бўлиб ўтди....
01 янв 1970
Олий Мажлис Қонунчилик палатасидаги Ўзбекистон “Адолат” социал-демократик партиясининг фракцияси томонидан оммавий ахборот воситалари в...