Аёлга муносабат — келажакка ҳурмат

/
Аёлга муносабат — келажакка ҳурмат

Бугун жамиятимизда юқоридаги фикрлар тўла ўз тасдиғини топиб, аёлларга бўлган эътибор тобора кучайиб бормоқда. Уларнинг бўш вақтларини мазмунли ташкил этиш, бирор-бир фаолият билан шуғулланишларига кўмаклашиш, ишсизларни иш билан  таъминлаш, ижтимоий кўмаклашишга алоҳида аҳамият қаратилмоқда. Бу борада Ўзбекистон “Адолат” СДП ҳам ўз позициясидан келиб чиқиб, юртимизда хотин-қизлар борасида амалга оширилаётган кенг ислоҳотларга муносиб ҳисса қўшиб келмоқда.

Хусусан, партия лойиҳалари асосида аёлларни, ижтимоий ҳимояга муҳтож хотин-қизларни иш билан таъминлашга яқиндан кўмаклашилмоқда. Уларга ҳам маънавий, ҳам моддий жиҳатдан ёрдам кўрсатилмоқда. Партиянинг “Адолат — қонун устуворлигида” лойиҳаси доирасида ҳар ҳафтанинг чоршанба куни аҳоли билан юзма-юз учрашувлар чоғида мурожаат қилаётганларнинг аксариятини аёллар ташкил этади. Партия вакиллари уларнинг муаммоларини ўрганиб, баъзиларини шу жойнинг ўзида ҳал этишга эришмоқда. Қолганлари эса депутатларнинг тегишли ташкилотларга  юборилган депутатлик сўровлари асосида ижобий ечим топмоқда. Шу ўринда депутатликка номзод этиб кўрсатилаётганлар ҳам халқ ичида юриб, тарғибот ишларида фаол қатнашаётганлигини эътироф этиш жоиз. Муаммоларни ўрганиш жараёнида хотин-қизлар масаласига ҳам алоҳида эътибор қаратилмоқда. Шу орқали фуқаролар ўртасида аёллар манфаатларини ҳар томонлама ҳимоя қилишга эришилмоқда. Хусусан, мен ҳам депутатликка кўрсатилган номзод сифатида бу жараёнларда фаол қатнашаяпман. 

Юртимизда аёлларнинг юксак эътироф этилаётганлигини яқинда “Гендер тенглик тўғрисида”ги қонуннинг қабул қилинганлиги билан ҳам изоҳлаш мумкин. Унга кўра аёллар жамиятда ҳеч қандай тазйиқ ва зўравонликларга учрашига, жинсий камситилишга йўл қўйилмайди. Аёлларнинг ҳақ-ҳуқуқлари таъминланиши қатъий назорат остига олинади. Уларнинг жамиятда ўз ўрнига эга бўлишлари учун кўмаклашилади. Шу ўринда олдин ҳам аёллар қарши жинс вакиллари билан тенг ҳуқуққа эга эдилар-ку, деган савол туғилиши табиий. Тўғри, шундай эди. Бироқ бу қонунлар янада кучайтирилиб, хотин-қизларга бўлган ҳар қандай босим ўтказиш, уларнинг ҳуқуқ бузилишига йўл қўйилмаслиги янада мустаҳкамланди.

Аёллар манфаати шу йўсинда қаттиқ ҳимоя қилинаётган жамиятда қабул қилинган мазкур қонун улар ҳар қандай кўринишдаги камситилиш ва тазйиқлардан холи эканлигини тасдиқлайди. Шу билан бирга, авваллари жамият ва давлат ҳаётидаги бошқарув ишларида аёлларнинг эркакларникига қараганда иштирок этиш улуши камроқ фоизни ташкил этар эди. Эндиликда аёллар эркаклар билан тенгма-тенг бошқарув ишларида қатнашиш ҳуқуқига эга бўлдилар. Бу ҳам бўлса давлатимизнинг аёлларни эъзозлаб, юксак эътироф этаётганига далилдир.

Ватанимиз ривожланишлар сари олдинга қадам ташлар экан, унинг келгусида энг илғор мамлакатлар сафида бўлмоғи учун миллат бешигини тебратувчи оналарга ғамхўрлик қилиш энг олий вазифалардан бирига айланмоғи даркор. Зеро, аёллари қадр топган юрт қудратли бўлади.

Сайёра Жумаева

Ўзбекистон “Адолат” СДП томонидан

Ўзбекистон Республикаси Олий Мажлиси

Қонунчилик палатаси депутатлигига

60-Пайариқ сайлов округидан

номзод этиб кўрсатилган

 

 


Бошка Маълумотлар

01 янв 1970
Ҳар бир давр ёшларининг билим даражаси, дунёқараши, ўй-фикри, маънавий қиёфасига қараб ўша жамиятнинг эртанги кунини тасаввур этиш мумкин. ...
01 янв 1970
Мамлакатимизнинг ҳар жабҳада ривожланиб бораётганлиги, яратилаётган шароитлар ҳамда имкониятлар кўламининг кенглиги бугун фуқаролар эркин ва фарово...
01 янв 1970
Бугун мамлакатимизда халқ фаровонлигини таъминлаш, мавжуд муаммоларнинг амалий ечимларига алоҳида эътибор қаратиш олдимизда турган муҳим вазифалард...
01 янв 1970
Аҳоли саломатлиги, шубҳасиз, жамиятнинг барқарор ривожланиши гаровидир.