Сиёсий кучнинг қуйи тузилмалари янги БПТлар билан мустаҳкамланмоқда

/
Бошланғич партия ташкилотларининг электорат билан яқин алоқада ишлашини назарда тутсак, БПТларнинг сиёсий куч мақсадларини рўёбга чиқаришдаги ҳал қилувчи аҳамиятини чуқур англаймиз.
Ўзбекистон “Адолат” СДП фаоллари ҳам аҳолининг кенг қатламлари ўртасида таъсирчан тарғибот ишларини жонлантириш баробарида янги БПТлар ташкил этилишига эришмоқдалар. Буни Навоий шаҳридаги сафдошларимизнинг фаолияти мисолида ҳам кўриш мумкин.
Шуни таъкидлаш жоизки, айни пайтда партиянинг шаҳардаги 878 нафар аъзолари сафида таълим ва соғлиқни сақлаш тизими ходимлари кўпчиликни ташкил этади. Шаҳар партия кенгаши фаоллари жойларда ўтказилаётган тарғибот-ташвиқот тадбирларининг амалий натижа беришини таъминлаш, партия сафларини юрт тараққиёти учун курашга бел боғлаган фаол, фуқаролик позициясига эга аъзолар билан кенгайтиришга ҳаракат қилмоқдалар. Аниқ мақсадларга йўналтирилган бундай саъй-ҳаракатлар ўз самарасини кўрсатмоқда.
Яқинда Навоий шаҳар маданият ва спорт ишлари бўлими қошида партиянинг янги бошланғич ташкилоти тузилганлиги ҳам фикримизнинг далилидир. Айни пайтда 13 нафар маслакдошимизни бирлаштирган янги БПТ аъзолари жойларда партиянинг ғоя ва дастурий мақсадларини оммага етказишга астойдил киришдилар.
— Партиямизнинг адолатлилик ғояси, барчанинг қонун олдида тенглиги, фуқароларнинг ҳуқуқ ва эркинликлари, қонуний манфаатларини ҳимоя қилиш, “Адолат — қонун устуворлигида” тамойилини амалиётга янада кенг жорий этишда фаол қатнашишни ҳар бир сафдошимиз ўз масъулиятли вазифаси деб билади, — дейди бошланғич партия ташкилоти раиси Жасур Эшмўминов.
Садоқат ШАМСИЕВА,
Навоий вилоят кенгаши матбуот котиби

Бошка Маълумотлар

01 янв 1970
Булунғур туманидаги ҳунармандчилик касб-ҳунар коллежида 12 та маҳалланинг минг нафардан зиёд ёшлари ўқийди...
01 янв 1970
Башарти, БПТ сиёсий мавқега қайси йўллар билан эришаяпти ва бу ўз натижасини бераяптими, деб сўраладиган бўлса, лўнда қилиб шундай жавоб бериш мумк...
01 янв 1970
Партиямиз ғояларининг жойларда кенг тарғиб этилиши билан бирга халқ манфаатларини рўёбга чиқариш борасидаги амалий ишлар ҳудудларда ўз ижобий самар...
01 янв 1970
Тиббиёт соҳасида ишлаш инсондан чуқур билим, тажриба ва малакага эга бўлиши билан бирга фидойиликни талаб қилади....