/

Ўзбекистон “Адолат” СДП Бухоро вилоят Кенгаши томонидан Когон шаҳрининг истироҳат боғида старт берилган “Аҳолининг тиббий маданиятини ошириш – давр талаби” шиори остидаги митинг барча учун эркин мулоқот майдони бўлди. Унда иштирок этган тиббиёт ходимлари соҳада бир қатор муаммолар борлиги юзасидан фикр ва мулоҳазаларини билдириб ўтишди.
Хусусан, поликлиникаларда мутахассис-шифокорларнинг етишмаслиги, баъзи фуқаролар томонидан тиббиёт ходимларига нисбатан ҳурмат ва эътиборнинг йўқлиги, улар учун имтиёзларнинг берилмаётганлиги сингари қатор муаммолар тилга олинди. Бунда гарчанд депутат ва партия ходимлари томонидан амалий ишлар олиб борилаётган бўлса-да, ҳеч қандай натижа бермаётганлиги қайта ва қайта айтилди.
Тўғри, бу борада юқорида таъкидланганидек, амалий ишларга аҳамият қаратилаётган бўлса-да, бу бевосита биргина партия ёки депутатга боғлиқ эмас, бунда ҳукуматнинг алоҳида ўрни ва роли бор. Митинг давомида бу масаланинг тилга олинганлиги аҳолининг диққат-эътиборини жалб этди.
Нодира МЎМИНОВА,
Халқ депутатлари Когон шаҳар Кенгаши депутати