Ҳуқуқий маслаҳатхона

/
— Уйимизнинг ҳужжатларини йўқотиб қўйдик, қайта олиш учун нима қилишимиз керак?
Ж.Сапаев, Мўйноқ тумани
— Кадастр йиғмажилди йўқолган ёки яроқсиз ҳолга келганда уй эгасининг аризасига мувофиқ Қорақалпоғистон Республикаси, вилоятлар ва Тошкент шаҳри ер тузиш ва кўчмас мулк кадастри давлат корхонасининг тегишли туман (шаҳар)даги филиали архивида сақланаётган кадастр йиғмажилдининг мулк эгасига тегишли қисмларидан нусха олинади. Ушбу нусхалардан иборат кадастр йиғмажилдининг ҳар бир варағига туман (шаҳар) ер тузиш ва кўчмас мулк кадастри давлат корхонаси раҳбари томонидан аслига тўғри деган ёзув киритилади ва имзоланади ҳамда ариза келиб тушган кундан бошлаб икки иш куни ичида эгасига топширилади.
— Мактабда директорман, неча соатгача дарс беришим мумкин?
Д.Матякубов, Боғот тумани
— Қонунчиликка мувофиқ халқ таълими муассасасининг раҳбар ходими (мактаб директори, унинг ўринбосарлари) томонидан асосий лавозимнинг бир ҳафтада 10 соатгача ҳажмда ўқитувчи лавозими билан қўшиб олиб борилишига (ўқув юкламаси юритилишига) рухсат берилади.
— Дадам Жиноят кодексининг 97-моддаси билан судланган, ички ишлар органларига ишга киришим мумкинми?
Ф.Улмасов, Қўқон шаҳри
— Ички ишлар органлари тўғрисидаги қонунда қуйидагиларнинг ички ишлар органларига хизматга қабул қилиш мумкин эмаслиги кўрсатилган:
белгиланган тартибда муомалага лаёқатсиз ёки муомала лаёқати чекланган деб топилган фуқаролар;
судланганлик ҳолати тугалланмаган ёки судланганлиги олиб ташланмаган фуқаролар;
ички ишлар органларида хизматни ўташга тўсқинлик қиладиган касаллиги ёки жисмоний нуқсонлари бўлган фуқаролар.
Демак, яқин қариндошининг судланганлиги ички ишлар органларига хизматга киришда тўсқинлик қилмайди.
Саволларга Адлия вазирлиги масъул ходимлари жавоб берди.

Бошка Маълумотлар

01 янв 1970
Шу кунларда Ўзбекистон “Адолат” социал-демократик партияси шаҳар ва туманлар кенгашларининг навбатдаги пленумлари бўлиб ўтмоқда....
01 янв 1970
Ҳукумат портали ишга тушганидан хабардормиз. Лекин порталнинг вазифалари, ундан қандай фойдаланишни яхши билмаймиз....
01 янв 1970
Ўзбекистон Республикаси Ҳукумати билан ХМТ ўртасида изчил мулоқот олиб борилаётганлиги тегишли ташкилий-ҳуқуқий чора-тадбирларни такомиллаштиришга ...
01 янв 1970
Мамлакатимизда соғлиқни сақлаш ва аҳолини ижтимоий ҳимоя қилиш соҳасидаги давлат сиёсатини самарали амалга оширишнинг энг муҳим шартларидан бири бу...