Ватан келажаги ёшлар қўлида

/
Жондор туманида “Азиз ва ягонамсан, жонажон Ўзбекистоним!” шиори остида Ўзбекистон “Адолат” СДП Бухоро вилояти ва Жондор тумани кенгашлари ҳамда туман жисмоний тарбия ва спорт бўлими ҳамкорлигида партия соврини учун миллий спортимизнинг “ўзбек жанг санъати” бўйича туман биринчилиги мусобақаси бўлиб ўтди. Мустақиллигимизнинг 27 йиллик байрамига бағишланган мазкур беллашув партиямизнинг “Ватан келажаги ёшлар қўлида” лойиҳаси доирасида, 7 ёшдан 14 ёшгача бўлган ўсмирлар ўртасида ташкил этилди.
Мусобақада иштирок этган 50 нафарга яқин спортсевар ёшлар ўзбек жанг санъатининг ўзига хос жиҳатларини қўллаб, маҳоратларини намоён қилишди.
— Спортга уч ёшимдан бошлаб қизиққанман, туман Болалар ва ўсмирлар спорт мактабига ўқишга кирганимнинг ўзи мен учун катта бахт, — дейди 8 ёшли 25 кг. вазнлилар орасида биринчиликни қўлга киритган Ҳасан Ашуров. — Устозларим Ҳумоюн Фармонов, Илҳом Шарипов, Жамшид Фатуллаевлардан спортнинг ўзбек жанг санъати тури бўйича илк сабоқларни ўргандим. Тўғри, бу ҳали илк ютуғим, аммо бу ютуқ ўзимга ишончимни мустаҳкамлади. Келгусида етук спортчи бўлиб, юртимизга астойдил хизмат қилиш орзусидаман.
Мусобақа ташкилотчилари ёшларнинг қобилияти, спортга бўлган меҳри, қизиқишини кўриб, уларга эзгу тилаклар билдиришди. Юртимизда фарзандларимизнинг ўз иқтидорини намоён этиши учун барча шарт-шароитлар яратилганлиги, улар бу имкониятлардан унумли фойдаланиб, ҳаётда ўз ўрнини топиши, элга наф келтирадиган инсонлар бўлиб вояга етиши лозимлигини таъкидладилар.
ўолибларга спорт медаллари, диплом ва эсдалик совғалари топширилди.
Моҳигул АБДУЛЛАЕВА,
Бухоро вилояти кенгаши матбуот котиби

Бошка Маълумотлар

01 янв 1970
Мамлакатимизда аҳоли бандлигига алоҳида эътибор қаратилиб, айниқса, ёшлар ҳамда хотин-қизларни иш билан таъминлаш борасида амалий ишлар қилинмоқда....
01 янв 1970
Мамлакатимизда халқ билан мулоқотнинг усули йўлга қўйилгани, фуқароларнинг ҳуқуқ ва эркинликларини ҳимоя қилишда юксак самаралар бермоқда....
01 янв 1970
Электорат ишончини оқлашга астойдил интилаётган И.Худойбердиев ташаббуси билан маҳаллада артизиан қудуғи қазилиб, сув минораси барпо этилди....
01 янв 1970
Бугунги кунда мамлакатимизда тўртта сиёсий партия фаол фуқаролик позициясини шакллантириш йўлида, соғлом рақобат шароитида фаолият олиб бормоқда....