Оилада ҳам, жамиятда ҳам фаол

/
Шаҳрисабз туманидаги Мираки шаҳарчаси маданият уйида Ўзбекистон “Адолат” СДП томонидан ўтказиб келинаётган “Адолатли қайнона” кўрик-танловининг Қашқадарё вилоят босқичи бўлиб ўтди.
Тадбирда сўзга чиққан вилоят ҳокими ўринбосари, хотин-қизлар қўмитаси раиси, халқ депутатлари вилоят Кенгаши депутати Мақсуда Мустафоева, вилоят партия кенгаши раиси Рўйиддин Раупов ва бошқалар жамият ҳаётида, барча соҳаларда хотин-қизларнинг роли ортиб бораётганини таъкидладилар.
Вилоят партия ташкилоти томонидан ҳам кейинги йилларда хотин-қизларнинг етакчилик қобилиятларини намоён этишига кўмаклашиш, истеъдод эгаларини кашф этиш мақсадида бир қатор тадбирлар, кўрик-танловлар ташкил этилаяпти.
“Адолатли қайнона” танловининг шаҳар ва туман босқичлари ғолиблари беллашган ушбу тадбирда ҳар бир иштирокчи оила, маҳалла ҳаётидаги ибратли ишлари, ўз меҳнат фаолиятида эришган ютуқларини намойиш эта олди. Шунингдек, иштирокчилар фарзандлар тарбияси, уларнинг дунёқарашини оилада тўғри шакллантириш омиллари, инсон камолотида миллий ва умуминсоний қадриятларнинг ўрни ҳақидаги фикр-мулоҳазаларини билдиришди.
Жумладан, Шаҳрисабз тумани қатнашчиси Шоҳида Мансурова ўзи истиқомат қилаётган маҳалласидаги ёшлар ва хотин-қизлар ўртасида ижтимоий-иқтисодий, сиёсий-ҳуқуқий, маънавий-маърифий ва тарғибот-ташвиқот ишларидаги фаоллигини аниқ ҳаётий мисоллар орқали кўрсата олган бўлса, Китоб туманидан иштирок этган Махфират Халилова оила тўғрисидаги миллий қонунчиликдан, Ўзбекистон “Адолат” социал-демократик партияси фаолиятидан яхши хабардорлиги, жамият ҳаётида фаол қатнашишга интилишини ўз чиқишида акс эттира олди.
Якуний натижаларга кўра Яккабоғ туманидан Дилфуза Суюнова танловнинг республика босқичига йўлланма олди, шаҳрисабзлик Шоҳида Мансурова, Китоб туманидан иштирок этган Махфират Халилова 2-3-ўринларга сазовор бўлишди.
Ғолибларга диплом ва совғалар тақдим қилинди.
Комил САХАТОВ,
Қашқадарё вилоят кенгаши матбуот котиби

Бошка Маълумотлар

01 янв 1970
Депутатлар дастлаб “Фуқароларнинг репродуктив саломатлигини муҳофаза қилиш тўғрисида”ги қонун лойиҳасини биринчи ўқишда муҳокама қилдил...
01 янв 1970
Аввал хабар қилганимиздек, жорий йилнинг 25 июнидан 5 июлига қадар Олий Мажлис Қонунчилик палатасидаги Ўзбекистон “Адолат” СДП фракцияс...
01 янв 1970
Наримон Умаровнинг ишончли вакили Юлдуз Усмонованинг Сайҳунобод тумани ва Ширин шаҳридаги сайловчилар билан учрашуви қизғин ва кўтаринки руҳда ўтди...
01 янв 1970
Ўзбекистон “Адолат” социал-демократик партияси Хоразм вилоят кенгаши тизимида ўқув-семинарлар ташкил этиб келинмоқда....