Халқ вакилларига ишончим ортди

/
Мамлакатимизда кўп тармоқли фермер хўжаликларини ривожлантириш ва улар учун қулай шарт-шароитлар яратишга доимий эътибор қаратиб келинмоқда. Мен ҳам ана шундай имкониятлардан фойдаланиб, 2017 йилнинг январь ойида қишлоғимизда мебель ишлаб чиқариш цехини ташкил қилган эдим. Тадбиркорлик фаолиятимни кенгайтириш учун тижорат банкларидан бирига кредит олишни сўраб мурожаат қилдим.
Аммо турли сабаб ва баҳоналар билан мазкур сармояни қўлга киритишда қийинчиликка дуч келдим. Ушбу масалани ўзимнинг саъй-ҳаракатим билан ҳал қила олмаслигимга кўзим етгач, Ўзбекистон “Адолат” социал-демократик партиясидан Олий Мажлис Қонунчилик палатасига сайланган депутат Жамшид Пирматовга мурожаат қилдим. 10 ой давомида ҳал бўлмаган масала депутатнинг амалий ёрдами билан беш кунда ўз ечимини топди. Банкдан 100 миллион сўм миқдоридаги кредитни олиб, бизнес режамни амалга оширишга эришдим. Бунинг натижасида қўшимча иккита иш ўрни яратдим.
Очиғи, шу вақтгача бу каби масалаларни депутатлар ҳал қила олишига унчалик ишонмаганим ёки уларнинг ваколатини чуқур англамаганим учунми, бирор маротаба депутатга мурожаат қилиб кўрмаган эдим. Энди ишондимки, Президентимиз бежиз жамиятдаги жуда кўплаб муаммоларнинг ечимини айнан депутатлар билан боғламаётган экан.
Шу боис, мен ҳам сайловчи, ҳам бир чекка қишлоқда фаолият юритаётган фермер ва тадбиркор сифатида мурожаатимга бефарқ бўлмасдан, менга амалий ёрдам берган Олий Мажлис Қонунчилик палатаси депутати Жамшид Пирматовга ўз миннатдорлигимни билдираман. Халқ учун жон куйдирадиган ана шундай депутатларимиз бор экан, жойлардаги масалалар ижобий ечим топиб, Ватанимиз тараққий этаверади.
Сайфиддин ИСЛОМОВ,
Китоб туманидаги “Сайфиддин Рашидович” фермер хўжалиги раҳбари

Бошка Маълумотлар

01 янв 1970
Юртимизда аҳолини уй-жой билан таъминлаш, бунинг учун замон талабларига тўла жавоб берадиган кўп қаватли уйлар бунёд этишга катта эътибор қаратилмо...
01 янв 1970
“Қишлоқ хўжалигида зараркунанда ҳашаротларга қарши кураш олиб боришнинг ҳолати ва уни янада такомиллаштириш юзасидан вазифалар” муҳокам...
01 янв 1970
2019 йил мобайнида Ўзбекистон “Адолат” СДП тизимидаги “Адолат қабулхоналари”га фуқаролар ва юридик шахслардан жами 1865 дан...
01 янв 1970
Инновацияларни жорий этиш корхоналар рақобатдошлигини ошириш, уларнинг иқтисодий мустақиллиги ва бозордаги мавқеини мустаҳкамлашнинг асосий омиллар...