Архив хонаси талабга жавоб берадими?

/
Ўзбекистон “Адолат” СДП Наманган вилоят кенгашида яқинда архивлар фаолиятини ўрганиш юзасидан ишчи гуруҳи тузилган эди. Партиямизнинг “Жамоатчилик назорати — қонун устуворлигининг гарови” лойиҳаси доирасида тузилган мазкур ишчи гуруҳи таркибида партия ходимлари, депутатлар фаолият олиб боришмоқда. Вилоят марказидан тортиб, олис қишлоқларда жойлашган давлат ва нодавлат ташкилотлари, тадбиркорлик субъектларининг мазкур соҳадаги иши ўрганиб чиқилди.
Жумладан, ишчи гуруҳи Поп туманидаги 23-умумтаълим мактабида ҳам бўлди. Бу ерда идоравий архив мавжуд, аммо унга ажратилган хонанинг ҳолати талаб даражасида эмас. Бу эса ҳужжатларнинг сақланиш ҳолатига таъсир этиши мумкин. Боз устига темир шкаф ҳам йўқ. Ўрганиш жараёнида архив ходимларининг ҳам ўз вазифаларига масъулият билан ёндашмаётганлиги маълум бўлди. Улар шартнома тузилганлигига қарамай мактабга келиб ҳужжатларни қайта ишламаганлар.
— Ишчи гуруҳимиз аъзолари ўтказилган ўрганишларни умумлаштиришга киришди, — дейди вилоят партия кенгаши раисининг ўринбосари Баҳодир Болтабоев. — Тез орада халқ депутатлари вилоят Кенгашидаги депутатлик гуруҳи йиғилишида ўрганиш натижаларини батафсил кўриб чиқамиз. Кейин ушбу масала халқ депутатлари вилоят Кенгашининг тегишли доимий комиссия муҳокамасига тақдим қилинади.
Фарҳодбек АБДУЛЛАЕВ,
партия фаоли

Бошка Маълумотлар

01 янв 1970
Мактабимизда ўқувчилардан ҳам, ўқитувчилардан ҳам таъмир учун пул йиғишмоқда. 1200 нафар ўқувчининг ҳар бири 15 000 сўмдан бериши керак экан, устоз...
01 янв 1970
Фуқаронинг ва вояга етмаган шахснинг тирик эканлигини тасдиқлаш қандай тартибда амалга оширилади?...
01 янв 1970
Таъкидлаш лозимки, Ҳаракатлар стратегиясида қайд этилган вазифаларни самарали бажариш, энг аввало, инсон омилига боғлиқ....
01 янв 1970
Мамлакатимизнинг барча ҳудудлари каби Наманган вилоятида ҳам шу йил май-июнь ойларида ўтказиладиган фуқаролар йиғинлари раислари (оқсоқоллари) ва у...