Жамоатчилик назорати муҳим

/
Андижон туманидаги “Саддатаги” маҳалласида Ўзбекистон “Адолат” СДП Андижон вилоят кенгаши томонидан “Бола ҳуқуқлари ва жамоатчилик назорати” мавзусида давра суҳбати ўтказилди. Унда маҳалла фаоллари, болалар билан ишловчи ташкилотларнинг раҳбарлари ва ОАВ вакиллари иштирок этди.
Тадбирда болаларнинг амалдаги қонунчиликда белгиланган ҳуқуқлари, оилада фарзанд тарбияси, ота-она масъулияти хусусида сўз юритилди. Таълим тўғрисидаги ва боланинг ҳуқуқларини ҳимоя қилишга қаратилган қонун ҳужжатларининг ижросини таъминлашда жамоатчиликнинг роли масаласига алоҳида эътибор қаратилди. “Соғлом она ва бола йили” Давлат дастури ижросини таъминлаш билан фарзандларимизга бўлган эътибор янада ортганлиги кўрсатиб ўтилди.
Тадбирда таъкидланганидек, келажагимиз эгаларининг таълим олиши ва баркамол инсон сифатида тарбияланиши олдимизда турган долзарб вазифалардан биридир. Уларнинг қонуний манфаатлари ва ҳуқуқларини ҳимоялашга барча бирдек масъул. Бу борада болаларнинг ҳуқуқий маданиятини юксалтириш, тарғибот ишларини янада кучайтириш мақсадга мувофиқ.
— Бола ҳуқуқларига қаратилган қонунчилик мазмун-моҳиятини ота-оналарга етказиш бевосита уларнинг зиммасидаги масъулиятини ҳам оширади, — дейди “Саддатаги” МФЙ раиси Ботиржон Болтабоев. — Айни шу мақсадда ташкил этилган бугунги тадбир кўплаб саволларнинг ечимини топишга ҳам хизмат қилди. Энг асосийси, ҳар бир бола давлат ва қонун ҳимоясида эканлигини янада чуқурроқ тушундик.
Давра суҳбати якунида мавзуга доир тавсиялар ишлаб чиқилди ва фаоллар олдида турган келгуси вазифалар белгилаб олинди.
Акбаржон НАЗАРОВ,
“Adolat” мухбири

Бошка Маълумотлар

01 янв 1970
Таҳририятдан: Ўзбекистон “Адолат” социал-демократик партиясининг нуфузи, обрў-эътибори, танилувчанлиги нафақат юртимизда, балки хорижда...
01 янв 1970
Ўзбекистон Республикаси Конституцияси қабул қилинганининг 24 йиллигига
01 янв 1970
Ҳаёт доимо ўсишда, ривожланишда. Лекин уни янада тараққий эттириш, юксалтириш учун илм-фан ривожи алоҳида роль ўйнайди. ...
01 янв 1970
Қорақалпоғистон Республикаси мамлакатимиз шимолида жойлашган, ёзи жазирама иссиқ, қиши ўта совуқ ушбу ҳудуд ўзига хос иқлим шароитига эга....