МАРКАЗИЙ САЙЛОВ КОМИССИЯСИДА УЧРАШУВ
№
/
2016 йилнинг 6 октябрь куни Ўзбекистон Республикаси Марказий сайлов комиссиясида Европада хавфсизлик ва ҳамкорлик ташкилотининг (ЕХҲТ) мамлакатимиздаги лойиҳалари координатори Жон Макгрегор билан учрашув бўлиб ўтди.
Ўзбекистон Республикаси Марказий сайлов комиссияси раиси М.Абдусаломов Марказий ва округ сайлов комиссиялари томонидан жорий йилнинг 4 декабрь куни бўлиб ўтадиган Ўзбекистон Республикаси Президенти сайловига тайёргарлик кўриш ва уни ўтказиш бўйича асосий тадбирлар дастури доирасида амалга оширилаётган ишлар ҳақида қисқача ахборот берди.
Марказий сайлов комиссияси ва ЕХҲТ ўртасидаги ҳамкорлик изчил ривожланмоқда. ЕХҲТ лойиҳалар координаторининг Тошкентдаги офиси “Ўзбекистон Республикаси сайлов амалиётини такомиллаштиришга кўмаклашиш” қўшма лойиҳаси доирасида мамлакатимизда сайлов амалиётини янада демократлаштиришнинг турли масалаларига бағишланган халқаро тадбир, анжуман ва семинарларни ташкил қилиш ҳамда ўтказишда фаол иштирок этди. Уларнинг ишида ЕХҲТга аъзо мамлакатлар вакиллари, ЕХҲТ Демократик институтлар ва инсон ҳуқуқлари бўйича бюроси экспертлари иштирок этди.
Марказий сайлов комиссияси вакиллари Испания, Франция, Дания, Буюк Британия сайлов амалиёти билан яқиндан танишиш, хусусан, сайловчиларнинг ягона электрон реестрини яратиш бўйича хорижий тажрибани ўрганиш имконига эга бўлди.
Европада хавфсизлик ва ҳамкорлик ташкилотининг Демократик институтлар ва инсон ҳуқуқлари бўйича бюроси Ўзбекистонда парламент ва Президент сайловларига тайёргарлик кўриш ва уларни ўтказиш жараёни юзасидан бир неча марта кузатув олиб борган. ЕХҲТ Демократик институтлар ва инсон ҳуқуқлари бўйича бюроси шу йилнинг 11-14 октябрь кунлари Эҳтиёжларни баҳолаш миссиясини юборишга қарор қилди.
— Сайлов санаси эълон қилинганига кўп вақт ўтмаган бўлса-да, Ўзбекистон Республикаси Марказий сайлов комиссияси томонидан салмоқли ишлар амалга оширилганининг гувоҳи бўлдик, — дейди Жон Макгрегор. — Бу ўринда комиссия томонидан ЕХҲТ Демократик институтлар ва инсон ҳуқуқлари бўйича бюроси сайловни кузатиш учун биринчилардан бўлиб таклиф этилганини алоҳида эътироф этиш жоиз. Бюро экспертларининг мазкур жараёнда иштирок этиши келгусида ЕХҲТга аъзо барча 57 мамлакат учун қимматли тажриба бўлиб хизмат қилади, деб ҳисоблайман.
Учрашувда ўзаро ҳамкорликни янада мустаҳкамлаш бўйича томонларни қизиқтирган масалалар юзасидан фикр алмашилди.
Б.БОЗОРОВ,
ЎзА мухбири
Ўзбекистон Республикаси Марказий сайлов комиссияси раиси М.Абдусаломов Марказий ва округ сайлов комиссиялари томонидан жорий йилнинг 4 декабрь куни бўлиб ўтадиган Ўзбекистон Республикаси Президенти сайловига тайёргарлик кўриш ва уни ўтказиш бўйича асосий тадбирлар дастури доирасида амалга оширилаётган ишлар ҳақида қисқача ахборот берди.
Марказий сайлов комиссияси ва ЕХҲТ ўртасидаги ҳамкорлик изчил ривожланмоқда. ЕХҲТ лойиҳалар координаторининг Тошкентдаги офиси “Ўзбекистон Республикаси сайлов амалиётини такомиллаштиришга кўмаклашиш” қўшма лойиҳаси доирасида мамлакатимизда сайлов амалиётини янада демократлаштиришнинг турли масалаларига бағишланган халқаро тадбир, анжуман ва семинарларни ташкил қилиш ҳамда ўтказишда фаол иштирок этди. Уларнинг ишида ЕХҲТга аъзо мамлакатлар вакиллари, ЕХҲТ Демократик институтлар ва инсон ҳуқуқлари бўйича бюроси экспертлари иштирок этди.
Марказий сайлов комиссияси вакиллари Испания, Франция, Дания, Буюк Британия сайлов амалиёти билан яқиндан танишиш, хусусан, сайловчиларнинг ягона электрон реестрини яратиш бўйича хорижий тажрибани ўрганиш имконига эга бўлди.
Европада хавфсизлик ва ҳамкорлик ташкилотининг Демократик институтлар ва инсон ҳуқуқлари бўйича бюроси Ўзбекистонда парламент ва Президент сайловларига тайёргарлик кўриш ва уларни ўтказиш жараёни юзасидан бир неча марта кузатув олиб борган. ЕХҲТ Демократик институтлар ва инсон ҳуқуқлари бўйича бюроси шу йилнинг 11-14 октябрь кунлари Эҳтиёжларни баҳолаш миссиясини юборишга қарор қилди.
— Сайлов санаси эълон қилинганига кўп вақт ўтмаган бўлса-да, Ўзбекистон Республикаси Марказий сайлов комиссияси томонидан салмоқли ишлар амалга оширилганининг гувоҳи бўлдик, — дейди Жон Макгрегор. — Бу ўринда комиссия томонидан ЕХҲТ Демократик институтлар ва инсон ҳуқуқлари бўйича бюроси сайловни кузатиш учун биринчилардан бўлиб таклиф этилганини алоҳида эътироф этиш жоиз. Бюро экспертларининг мазкур жараёнда иштирок этиши келгусида ЕХҲТга аъзо барча 57 мамлакат учун қимматли тажриба бўлиб хизмат қилади, деб ҳисоблайман.
Учрашувда ўзаро ҳамкорликни янада мустаҳкамлаш бўйича томонларни қизиқтирган масалалар юзасидан фикр алмашилди.
Б.БОЗОРОВ,
ЎзА мухбири
Телефонлар:
info@adolatgzt.uz
