Эҳтиёт бўлинг, ўйинчоқ!

/
Юртимизда болалар ўйинчоқлари хавфсизлигини таъминлаш борасида кенг кўламли ишлар амалга оширилмоқда. Чунки ўйинчоқлар нафақат ташқи кўриниши, балки кимёвий таркиби, гигиеник сифати билан ҳам келажагимиз эгаларига зиён етказмаслиги ҳар жиҳатдан муҳим ҳисобланади.
Амалдаги тартибларга кўра, республикамизга олиб кирилаётган болалар ўйинчоқлари ва ўйинлар мажбурий тартибда сертификатланадиган товарлар турига киради. Яъни, бу турдаги товарларнинг божхона расмийлаштируви жараёнида гигиеник ва мувофиқлик сертификатлари талаб этилади. Қолаверса, республикамизга олиб кирилаётган болалар ўйинчоқлари давлат тилида маркаланиши лозим.
Афсуски, мазкур тартибларга риоя қилмасдан туриб, сифати кафолатланмаган ва тегишли ҳужжатлари бўлмаган болалар ўйинчоқларини олиб киришга уринишлар ҳам кўзга ташланмоқда. Яқинда пойтахт божхона ходимлари томонидан шу турдаги бир нечта божхона қоидабузарликлари фош қилинди.
Жумладан, Тошкент шаҳар божхона бошқармасининг “Тошкент-товар” ташқи иқтисодий фаолият божхона пости ходимлари томонидан пойтахтимизда фаолият юритаётган корхоналардан бирининг номига хориждан темир йўл контейнерида келтирилган юклар ўрнатилган тартибда божхона кўригидан ўтказилганда, мазкур товарларга тегишли божхона юк декларацияси ва йўл-юк кузатув ҳужжатларида қайд қилинмаган, қиймати салкам 4,5 миллион сўмлик 6 турдаги 504 дона болалар ўйинчоқлари яширин равишда олиб киришга уринилган аниқланди.
Мазкур постда аниқланган шунга ўхшаш яна бир ҳолатда эса, якка тартибдаги тадбиркор номига хориждан келтирилган юклар божхона кўригидан ўтказилганда, унда божхона юк декларацияси ва бошқа ҳужжатларда қайд қилинган миқдордан ортиқча бўлган 37,1 миллион сўмлик 3903 дона болалар ўйинчоқлари олиб кирилгани фош бўлди.
Ҳозирда мазкур ҳолатлар юзасидан божхона суриштирувлари ва текширув жараёнлари давом эттирилмоқда.
Рақамларга мурожат қилсак, жорий йилнинг 1-ярми мобайнида Тошкент шаҳар божхона бошқармаси ходимлари томонидан ҳуқуқни муҳофаза қилувчи бошқа идоралар вакиллари билан ҳамкорликда аниқланган 455 та қонунбузарлик ҳолатларида қиймати салкам 7 миллиард сўмлик товар моддий бойликларининг ноқонуний олиб ўтилишига чек қўйилди.
Шу ўринда юртдошларимизга божхона қоидабузарликлари ёки божхона ходимларининг ноқонуний хатти-ҳаракатлари юзасидан Тошкент шаҳар божхона бошқармасининг 120-76-76 “Ишонч телефони” рақамига қўнғироқ қилишлари мумкинлигини эслатиб ўтамиз.
Тошкент шаҳар божхона бошқармаси ахборот хизмати

Бошка Маълумотлар

01 янв 1970
Шу пайтгача ҳам бу ердаги саноат корхоналарида олимлар томонидан турли ихтиролар, ишланмалар, кашфиётлар ҳаёт талаби билан яратилар, қисман ишлаб ч...
01 янв 1970
Олий Мажлис Қонунчилик палатасидаги Ўзбекистон «Адолат» СДП фракциясининг навбатдаги йиғилиши бўлиб ўтди. ...
01 янв 1970
Айтинг-чи, меҳнат дафтарчаси сотиб олиш учун қаерга мурожаат қилиш лозим?
01 янв 1970
Миллий матбуот марказида Марказий сайлов комиссиясининг навбатдаги йиғилиши бўлиб ўтди....