Интилганга толе ёр

/
Олимпия ўйинларида иштирок этиш ҳар бир спортчининг энг катта орзуларидан бири саналади. Шу билан бирга, барча қитъа спортчиларини жамлаган бу нуфузли мусобақада ўз мамлакати шарафини ҳимоя қилишдек масъулиятли вазифа спортчини ўз маҳоратини оширишга ундайди.
Жорий йилда Бразилиянинг Рио-де-Жанейро шаҳрида бўлиб ўтадиган ёзги Параолимпиада ўйинларида оғир атлетика йўналишида иштирок этиш ҳуқуқини қўлга киритган сафдошимиз Аҳрор Бозоров ушбу масъулиятни ҳис этган ҳолда совриндорлар қаторидан жой олишни мақсад қилган.
1994 йилда Термиз туманида таваллуд топган Аҳрор тақдир тақозоси билан фалокат туфайли икки оёғидан ажралади. Аммо мустаҳкам ирода уни олға интилишга, ҳаётда ўз ўрнини топишга ундади. 2010 йилдан буён устози Фарҳод Исақулов кўмагида спорт билан мунтазам шуғулланиб келаётган қаҳрамонимиз ўтган давр мобайнида бир неча марта Ўзбекистон чемпиони, Осиё ва жаҳон чемпиони деган шарафли номга сазовор бўлди. Бу йил Малайзияда ўтказилган мусобақада ўз маҳоратини намоён қилган Аҳрор Бозоров Параолимпиада йўлланмасини қўлга киритди.
Аҳрор Бозоров спорт билан мунтазам шуғулланишдан ташқари жамоат ишларида ҳам фаол қатнашмоқда.
— Ҳаёт — бебаҳо неъмат, инсон ундан баҳра олиб яшаш учун дунёга келади. Ҳар биримиз бу беқиёс неъматнинг қадрига етишимиз лозим, — дейди Аҳрор Бозоров. — Мамлакатимизда ёшларнинг спорт билан шуғулланишлари учун барча шароитлар яратилган, шунга муносиб равишда ютуқларга эришишда куч-ғайрат ва шижоат кўрсатишимиз шарт, деб биламан Эндиликда Параолимпиада мусобақаларида энг яхши натижалар билан юртдошларимни хушнуд этиш орзусидаман.
Бўлажак мусобақаларга пухта тайёргарлик кўраётган маслакдошимиз Аҳрор Бозоровга бу юксак орзуларига эришишда куч ва омад тилаймиз.
Мақсуд ТЎРАЕВ,
Сурхондарё вилоят кенгаши матбуот котиби
Jailene 17:18, 03 февраля 2017
That's a subtle way of thikning about it.
Artrell 10:16, 05 февраля 2017
I'm relaly into it, thanks for this great stuff!

Бошка Маълумотлар

01 янв 1970
Мутахассисларнинг таъкидлашича, патронаж — аҳолининг тиббий-санитария хизмати борасида алоҳида эътиборга лойиқ бўлган контингентига уйда тибб...
01 янв 1970
Пойтахтимиздаги 2-сонли Тошкент юридик коллежида Ўзбекистон “Адолат” СДП Сиёсий Кенгаши Марказий аппарати ташаббуси билан давра суҳбати...
01 янв 1970
Партия ушбу соҳани ривожлантиришда фаоллик билан иш олиб боришга, айниқса, кенг жамоатчилик орасида тарғибот ишларини кучайтиришга катта эътибор қа...
01 янв 1970
Қоракўл туманидаги “Чандир” қишлоғи туман марказидан 25 километр узоқликда жойлашган бўлиб, 2017 йилнинг апрель ойига қадар қишлоқ аҳол...