Осуда ҳаёт қадри

/
“Ромитан” маҳалла фуқаролар йиғинида ўтказилган “Тинчлик ва барқарорлик учун барчамиз масъулмиз” мавзусидаги тадбир ёшларни соғлом эътиқод ва ватанпарварлик руҳида тарбиялаш, уларни ёт ғоялар таъсиридан ҳимоя қилиш мақсадида ташкил этилди.
Бухоро вилоят ҳокимлиги, Ўзбекистон “Адолат” СДП Бухоро вилоят кенгаши, “Маҳалла” хайрия жамоат фонди ва “Бухоро-ТВ” телерадиоканали ҳамкорлигида ўтказилган мазкур тадбирда бир қатор ташкилотлар вакиллари, “Камолот” ёшлар ижтимоий ҳаракати туман бўлимлари ҳамда таълим муассасалари раҳбарлари, хотин-қизлар қўмиталари раислари ва ёшлар иштирок этишди.
Йиғилишда Ромитан туман хотин-қизлар қўмитаси раиси Робия Сафарова, Ўзбекистон “Адолат” СДП Бухоро вилоят кенгаши раиси ўринбосари Дилбар Ҳамдамова, туман партия кенгаши раиси Раҳматжон Тўлаевлар мавзу юзасидан фикр-мулоҳазаларини баён этишди.
Огоҳлик хавф-хатардан асрайди, фалокатларнинг олдини олади. Айниқса, тинчлигимизга нималар таҳдид солаётгани, дунёнинг манфаатлар тўқнашган ҳудудларида қандай сиёсий ўйинлар кетаётгани англаб олинса, бу таҳдидларнинг сабаби ойдинлашади. Бу ҳаёт ҳақиқатини Президентимиз такрор ва такрор таъкидлаб келади, тинчликдек бебаҳо неъматни асрашга халқимизни даъват этади, тинчлик учун, албатта, огоҳлик зарурлиги, курашиш кераклигини доимо уқтиради.
Биз бир нарсани унутмаслигимиз керак. Тинчликни ҳеч ким яратиб бермайди. Унинг учун курашиш, уни асраш, қадрига етиш керак. Чунки инсон хотиржам ва осойишта бўлсагина, мақсади сари дадил интилади, ўзини чинакамига бахтли ҳис қилади.
Тадбирда “XXI аср фитнаси” номли фильм намойиш этилди. Дин ниқоби остида фаолият кўрсатаётган диний экстремистик руҳдаги террорчи ташкилотлар, уларнинг сохта ғояларига учиб, алдов тузоғига илиниб қолаётган айрим кимсаларнинг қилмишлари тасвирланган фильм барчани ҳушёрликка чорлади.
Тинчлик бор жойда ривожланиш бўлади. Тинчлик бор жойда эртанги кунга ишонч бўлади. Ёшларнинг орзу-интилишлари, истеъдодлари юзага чиқади.
Тадбир доирасида “Осуда ҳаёт қадри” номли расмлар кўргазмаси ташкил этилди. ўоявий таҳдидлар, диний экстремизмнинг олдини олиш, ёшлар маънавий иммунитетини мустаҳкамлаш хусусида кенг маълумотлар берувчи маърифий адабиётлар тақдимот-кўргазмаси ҳам йиғилганлар диққатини жалб этди.
Бундай тадбирлар вилоятнинг бошқа шаҳар ва туманларида ҳам ташкил этилмоқда.
Зуҳро МИРЗОҲАМДАМОВА,
Бухоро вилоят кенгаши матбуот котиби 

Бошка Маълумотлар

01 янв 1970
Жорий йилнинг 27-30 апрель кунлари Олий Мажлис Қонунчилик палатаси депутатлари ҳудудларга чиқиб, сайловчилар билан очиқ мулоқот ўтказишди....
01 янв 1970
Ўзбекистон “Адолат” СДП Қашқадарё вилояти кенгаши ташаббуси билан Қарши давлат университетида “Қайта тикланувчи энергия манбалари...
01 янв 1970
Мамлакатимиз тараққиётининг янги босқичида барча соҳаларда давом этаётган ислоҳотлар биз, халқ вакилларининг зиммасидаги масъулиятни янада оширмоқд...
01 янв 1970
Ўзбекистон “Адолат” СДП Сиёсий Кенгаши томонидан ҳаваскор жамоалар ўртасида “Адолат” кубоги учун мини-футбол мусобақаларини...